Parlamentario Endy Croes ta haci un suplica y un plegaria na henter pueblo di Aruba pa laga nos uni pa bringa e pandemia Corona Virus of tambe yama Covid-19 hunto como un solo pueblo y un solo blokke pa salvaguardia nos patria Aruba. Parlamentario Endy Croes ta preocupa cu e responde di un porcentahe di nos pueblo cu no a tuma e consehonan di Gobierno y expertonan tanto na serio ainda y esaki tabata notable cu e cantidad di hendenan ainda riba caya y/of na lama 18 di maart ultimo. Corona Virus ta un virus cu ta wordo transmiti masha masha lihe y por ta mortal primordialmente pa hendenan di un edad mas halto y hendenan cu ta sufri di malesanan cronico.

Di acuerdo cu cifranan internacional 81% di esnan infecta lo bira malo pero levente, 14% lo bira hopi malo y 5% lo ta fatal. Es decir di cada 100 persona infecta 81 lo bira malo leve, 14 lo bira hopi malo y 5 lo fayece. Gobierno di Aruba hunto cu su expertonan local ta den contacto estrecho cu World Health Organisation ( WHO) y tambe RIVM di Hulanda esta ( Rijksinstituut voor Volksgezondheid en Milieu) pa asina hunto sigui e protocolnan mundial estableci pa expertonan riba e tereno aki. Mundo y expertonan ta deal cu un virus nobo unda ningun pero ningun hende por a anticipa e embergadura di Corona Virus. No solamente un sla formal pa e ser humano unda paisnan ta cerando frontera un mas prome cu otro pa proteha salud di nan con ciudadanonan pa purba controla y derota Corona Virus pero alabes e golpi economico fuertisimo pa mundo henter. Parlamentario Endy Croes ta pensa ki mensahe esaki lo ta pa e humanidad rond mundo?

Tin cosnan ta pasa pa algun rason y kisas ningun di nos ta compronde y tin splicacion pa esaki ainda. Kico ta e mensahe cu Señor a manda pa henter mundo? Ohala nos por biba e dia pa compronde esaki. Aruba ban UNI, Aruba ban traha hunto y ban busca e salida pa henter e pais. Desde Gobierno, Gremio, Comercio, Sindicato, NGO’s y tur pero tur organisacion y instancianan rond Aruba. No ta e momento pa busca pleito ni tampoco culpa ningun hende. Ta momento pa pone tur diferencia un banda. Ta e momento pa calma otro, tin comprension pa e situacion y haci tur cu ta na Bo alcance pa abo tambe forma parti di e solucion. Yuda bisiñanan cu ta den necesidad, yuda prohimo cu a perde trabou y brinda atencion na e humanidad. Bin cu ideanan positivo cu por contribui. Kita e bachi di negativismo. Parlamentario Endy Croes ta accentua cu nos Minister Presidente Evelyn Wever Croes, Minister di Salud Danqui Oduber y henter e elenco di Ministernan a lora manga di camisa y dia y nochi sin sosiego ta buscando solucion pa henter nos pueblo. No one will be left behind!

Gobierno lo busca tur hermentnan na su alcance pa brinda ayudo na esunnan mas afecta manera empleadonan den e cadena di turismo y negoshinan cu lo haya nan den situacionnan impopular. Awor ta e momento pa nos cera cabes. Un pa tur y Tur pa un! Resposabilidad di cada conciudadano sigui protocol di prevencion y instruccion di gobierno. Laba man, no sunchi, no brasa y tosa den elleboog. No bishita nos grandinan ban cuida nan. No sali di cas! Ban yuda proteha comunidad. Hunto nos por!

LEAVE A REPLY

Please enter your comment!
Please enter your name here