Parlamentario Endy Croes(MEP): ‘Ik ben zeer teleurgesteld cu nombracion contra ley di Laft di  e politico Henk Kamp den Caft’

ORANJESTAD – Parlamentario Endy Croes ta splica cu e tin hopi pero hopi problema cu e Hulandes Henk Kamp nombra den Caft. Pakico Endy ta keda riba esaki paso nos mester ta “fair” cu otro y mester trata otro cu respet respetando nos leynan. Hulanda ta esun cu a nombra Henk Kamp den Caft.

Ni cuanto Hulanda kier purba troce e berdad esaki no lo hacie legal. Tin un ley di Laft cual a wordo aproba  27 di augustus 2015 den parlamento di Aruba y Bo mester respeta esaki y punto. Artikel 3 Lid 2 letter c di e ley di Caft ta stipula hopi cla cu Hulanda ta propone y nombra e Lid aki. Pa tur claridad Artikel 4 Lid 1 letter d ta stipula “een lid kan niet tevens zijn, een lid van de staten of van een daarmee vergelijkbaar organ van Nederland, of op de lijst staan of hebben gestaan van enige politieke partije binnen hek Koninkrijk der Nederlanden.”  Pues como Parlamentario mi no tin nada contra e persona pero Henk Kamp ta un politico y a aparece diferente biaha riba lista di VVD esta di Mark Rutte y pa ley e no por ta ni un candidato pa Caft pio ainda wordo nombra. Mas tristo ta cu Hulanda sa esaki masha bon.  Dicon ora Aruba papia di “zachte lening” Hulanda mesora ta coy un postura “falso” y ta reacciona cu esaki no por. Hustamente esey no ta mishi cu ningun ley pero Hulanda ta fuerte contra y ta bari e combersacion ey for di mesa inmediatamente. Ta manera diablo nan ta mira ora tende di zachte lening.

Mesun momento na un manera diabolico ta trapa riba Leinan existente di Aruba pa cu e nombracion di Henk Kamp. Si mira e trayectorio di Caft tambe ta uno “moli moli”.  Hustamente desde entrada di Caft Mike Eman y AVP a “lolia” Hulanda y Caft y bou di nan nanishi e debe nacional a sigui crece y a alcansa 90% di nos GDP. Esaki mester wordo considera un “Brevet van Onvermogen” pa Caft y esunnan cu tabata den Caft e tempo aya. Lo tabata nechi pa nan mes entrega nan retiro boluntario paso nan a faya barbaramente. Esey sinembargo tampoco a tuma luga. Awor Hulanda a haci cambio den Caft y ta trece un illegel esta Henk Kamp anto Henk Kamp aparentemente lo ta e heroe pa cu e funcionamento di Caft? Ta un bananen republiek Aruba a para bira. E siman aki Raymond Gradus presidente di Caft lo duna un lezing na Aruba mientras den su banda lo tin Henk Kamp. Ami sigur no lo atende e lezing aki y pa esunnan cu toch kier scucha Gradus puntre den sala pa su opinion pa cu e nombracion di e politico Henk Kamp contra tur ley.

Si Gradus ta integro y kier controla Aruba , cual personalmente ami no tin ningun problema pa cu supervision, esaki mester bay conforme Leinan existente.  Puntra Gradus con serio e kier Parlamento di Aruba tuma advies di Caft alrespecto presupuesto 2019 siendo esaki ta wordo concipia pa un ilegal nombra contra ley esta Henk Kamp? Si Henk Kamp ta sincero y tin un poco dignidad y kier para pa integridad e no lo ni gasta placa di Hulanda pa bin Aruba pero lo entrega su retiro y bisa Hulanda aunke e salario por ta atractivo Bo no por nombra mi contra ley. Henk Kamp un politico bakia pa mas di 25 aña cu a fungi como minister di diferente cartera pa mas di 15 aña na Hulanda mester por sa mucho mas miho. In ben zeer teleurgesteld en Nederland mag mijn opinie weten. It is written on the wall Croes ta termina bisando.

You May Also Like

“Pakico mi no tawatin otro choice cu drenta politica atrobe”

Deseo pa keda votado so Mi a drenta politica caba na 2013 pero mi ...

Gobierno di AVP ta laga un deficit di 175 miyon florin atras

Despues di a reuni cu informador Arie Swaen, lider di partido MEP Evelyn Wever-Croes ...

‘AVP mester stop cu politica di poco nivel tocante retiro di e coordinadornan

Ta increibel con nos ex Prome Minister y henter su pandiya ta tratando di ...

‘No cay den trampa di fake news’

Relaciona cu e notificacion cu gobierno di Aruba a ricibi di UNHCR cu ta ...