Parlamentario Endy Croes a relata cu Aruba ta para dilanti un crusada nunca bisto y ta hazañanan grandi mester wordo haci pa rescata nos pais. Corona Virus a causa un impacto mundial. Nunca nos por a biba pensa cu un dia lo yega cu nos lo mira tur e hotelnan para haci bashi. Nunca nos a pensa cu nos turismo incluyendo turismo crucero lo ta para riba “0”. Pa con dolor cu esaki por haci al momento tin cosnan mas importante y esaki ta e “hende”.
Gobierno di Aruba a tuma diferente medida pa cubri y proteha salud di nos conciudadanonan. Un Virus cu ta plama y cana masha lihe cu un mortalidad relativamente halto. Nos convivencia ta bay pa Italia, Hulanda, Francia, Spaña, Belgie y tur paisnan cu ta sufriendo perdiendo masha hopi bida diario door di e Corona Virus aki conoci tambe como Covid-19. Minister Presidente y henter e Team di profesionalnan ta tumando decisionnan necesario pa frena esaki y saca Aruba di e gara aki. Esaki sigur no lo bay sin dolor. Despues di scapa salud di nos hendenan mester “restart” of “jumpstart” economia di nos pais bek. Ohala cu esaki por bay mas lihe cu nos por imagina. Aruba tabata tin presupuesta un Surplus di 46 miyon pa 2020 pero cu hopi dolor esaki a cambia den un deficit di 1.3 biyon debi na e efectonan directo y indirecto di e crisis.
Gobierno a presenta un pakete di ayudo na Parlamento recientemente pa brinda ayudo na 25000 hende cu a perde trabou. Den mesun pakete aki a tene cuenta cu comercio esta MKB’rs nan Middel en Klein bedrijf kendenan tambe lo wordo brinda un ayudo den diferente forma cual lo wordo anuncia dentro di corto. Parlamentario Endy Croes ta haci un suplica na henter pueblo di Aruba pa duna aporte den forma di cooperacion y comprension. Nos ta habri pa tur idea cu por aporta. Ban proteha nos sernan keri na prome luga sigui instruccion. Laba man, No sunchi, No brasa otro y tosa den elleboog. Keda Cas y mantene 2 meter for di otro. Social Distancing. Aruba ban uni y bringa e virus aki.
