Parlamento di Aruba a trata diahuebs ultimo e ley pa apodera 3 minister esta Minister President, Minister di Financien y Minister di Infrastructura pa por firma y termina e contracto cu Citgo conoci como e “Termination Agreement”.

Richard Arends masha masha nervioso kisas ta sconde algo?
Locual a resalta durante e debate aki cu a bay como 12 ora largo ta e actuacion y comportacion di Richard Arends di AVP. Richard Arends kende ta autor y esun cu a forma parti di tur negociacion di e contracto di Citgo dado momento a bira masha masha nervioso unda den su betoog apenas por a papia. Cu un stem temblando e tabata suplica gobierno pa No kere Citgo. Alabes e tabata suplica Gobierno pa No kere cu Citgo No tin placa paso di acuerdo cu Richard Arends cu Citgo tin hopi placa.

Richard Arends a forma parti di e Wine Dine & Dance den e negociacion:
Dado momento Parlamento no por a compronde e plegaria di Richard Arends tampoco por a descifra su comportacion nervioso y preocupacion. Hustamente Richard Arends a front gobierno di AVP den e grupo di negociacion pa cu Citgo y tabata parti di e “Wine & Dine and Dance” cu Roberto Rincon den su mansion na Housten cu escort service. Alabes a biaha den avion priva di e ehecutivonan aki cu awe ta cora. Kisas pa e motibonan aki Richard Arends sa cu Citgo tin placa y a keda roga Gobierno pa No firma e Termination Agreement y pa NO kibra e contracto? Locual Richard Arends no a splica y tampoco a reacciona riba pregunta di diferente Parlamentarionan pakico AVP, ( Mike Eman, Mike de Meza y Richard Arends) no a firma contract e Citgo cu tin placa esta Citgo Petroleum Corporation? Pakiko a Richard Arends y “gang” a firma cu Citgo Holding Aruba LCC, v Aruba Refinery y Citgo Aruba Termninal 3 Citgo lanta den pura, bashi y sin placa? Ta pa e motibo aki Citgo nan lanta na Aruba no tin placa pa inverti. Potretnan recien a ilustra den e estado critico cu tanto e Refineria y Terminal ta aden y cu e Citgo nan bashi No a cumpli cu nan contract y obligacion.

Richard Arends a cuestiona gobierno cu gobierno lo kier bende e Terminal:
Locual a straña tur hende durante e debate ta momento Richard Arends cu un stem temblando a cuestiona Gobierno cu Gobierno lo kier bay bende e Terminal. Esaki ningun momento ta e caso. Lo contrario cu su Gobierno di AVP kendenan na 2016 si kier a bende e Fuel & Marketing Supply Aruba y esaki a wordo splica te hasta den e Memorie van Toelichting di e Ley AB 2016 no 50 paraaf 8. Textualmente redacta “ Het land is voornemens deze aandelen tijdelijk onder te brengen bij RDA, vooruitlopende op een mogelijke verkoop van Valero Marketing & Supply Aruba N.V. aan een derde partij. Geschatte marktwaarde 40 miljoen”. Gobierno actual semper a papia di lease e Terminal pero no duna ni bende ningun operador. Pa e motibo aki a lanta un compania di pais Aruba ( TDEA) esta Terminal Di Energia Aruba pa garantisa cu e Terminal di awor pa futuro keda den man di Pais Aruba y pues keda di Pueblo.

Richard Arends hopi nervioso kisas paso su number lo hunga?
Finalisando Parlamentario Endy Croes no por a descifra e nerviosismo di Richard Arends durante henter e reunion. E tabata “gaga” y su stem constantemente temblando. Richard Arends tabata bruha yen di cos cu otro. Momento cu Endy Croes a entrega e mocion pa exigi RDA dentro di 4 siman bin duna amplio splicacion na Parlamento riba e rapport Forensico cual awor ta kla, Richard a bandona sala y a regresa te bandi 9pm anochi momento di votacion. Kisas Richard Arends ta preocupa cu awor cu e terminacion di e contracto ta bira realidad mas lihe e berdad lo bin dilanti y pueblo lo mira cuanto miyones el a strica den henter e deal aki? Kisas Richard Arends ta preocupa cu e rapport Forensico? Kisas Richard su number tambe ta bay hunga pronto? Puyitonan lo sali awor for di e macutu y Ministerio Publico pronto lo tin bastante mas trabou. Tempo ta e miho amigo di pueblo.