Por a mira cu Aruba completo a celebra y bini hunto pa loke ta trata Dia di Betico, unda cu ta recorda un persona cu siguramente ta representa hopi pa nos isla.

Parlamentario Michael Lampe di AVP tabata t’ey presente durante e ceremonia protocolar na Plaza Betico Croes pa loke ta Dia di Betico.

Un celebracion bunita cu bunita presentacion, duna pa diferente grupo, muchanan cu a haci tremendo durante e canto acompaña pa musiconan local. Detaye cu ta parti di e ceremonia segun Lampe, y di importante ta pa nos recorda tur esunnan cu a hiba e lucha pa nos Status Aparte. Tur esunnan prome cu nos, cu a sa di traha y uni pa Aruba, un union cu ta mas grandi cu partidonan politico. Un union cu ta mas grandi cu creencia, un union cu ta mas grandi cu rasa, y di unda bo ta bin.

Ora bo uni bou di e dak di bo cas, cu ta nos Aruba, esaki ta un dia cu por para keto y refleha cu nos mester ta mas grandi cu djis politica. Aki ta papia di un union caminda kier duna e memoria y grandesa, y pas’e gradicido na tur esunnan cu a lucha pa nos Aruba.

Hunto cu tur e firmantenan, na tur politico, na tur esunnan cu prome cu nos, a sa di hiba un vision fuerte pa awe asina nos generacion y generacionnan cu ta bin, por ta biba den e constelacion di nos isla, por ta biba den e sistema cu nos tin awe di Status Aparte, cu ta duna cu nos di tin e libertad cu nos por tuma diferente decisionnan riba nos mes, asina yuda Aruba progresa den union caminda cu nos tur ta trece hunto.

LEAVE A REPLY

Please enter your comment!
Please enter your name here