Ta chistoso cu Gerlien Croes, lider di partido Futuro, a tuma 6 siman pa duna contesta riba preguntanan, despues cu e mes a priminti di contesta den dos siman. Esaki ta demostra ta falta di seriedad y compromiso!
Ta Gerlien Croes a priminti y a pone esaki den su programa di partido, cu lo respeta Parlamento. Cu lo contesta pregunta den dos siman. Y awe, despues di 6 siman, ta manda bisa cu e no kier contesta!
Enbes di e a usa e tempo extra aki, pa fiha un posicion cla y transparente, Gerlien Croes ta scoge pa sconde tras escogencia di palabra y no ta duna clarificacion.
E falta di transparencia ta un falta di respet pa e pueblo y pa nos aparato Gubernamental. Como minister den un gabinete, su deber ta pa tuma responsabilidad y defende nos estado di derecho ora esaki ta bou di atake pa su partner di coalicion. No sconde y evita di contesta pregunta importante.
Nos lo bolbe manda e preguntanan pa su persona, y nos lo wak despues di un of dos luna ki excusa Gerlien ta bin cune.
