Parlamentario Rocco Tjon (MEP): ‘Un manifestacion cu un señal fuerte pa Mike Eman’

ORANEJSTAD – Ayera a tuma luga un manifestacion orkesta pa partido AVP. Supuestamente e meta di e manifestacion aki tawata pa Mike Eman haya sa e fecha nobo di eleccion.

En realidad Mike Eman kier a midi su credibilidad y popularidad den pueblo pa wak si e por haya un chens mas pa sigui cu practicanan di mal gobernacion. Pasobra manera nos tur sa na 2014 Mike Eman a haya un “koninklijk besluit” pa “ondeugdelijk bestuur” (mal gobernacion).

E realidad amargo pa Mike Eman ta cu el a haya un señal fuerte di pueblo di Aruba, caminda nan a bis’e cu nan no por wordo manipula mas. Un ex lider di partido AVP cu den e ultimo eleccion a haya riba 7000 voto, no por a pone ni 250 hende riba pia (incluyendo candidato di AVP y ex coordinadornan).

Mensahe di prome minister Evelyn Wever-Croes
A pesar cu Mike Eman su manifestacion ta uno inhustifica y incomprendibel, minister president Evelyn Wever-Croes a demostra respet pa nos estado di derecho y a otorga un permiso pa Mike Eman por expresa su mes.

Respetando asina e derecho constitucional di cada ciudadano. Minister president Evelyn Wever-Croes prome cu e manifestacion a haci un yamada na cada ciudadano pa respeta manifestantenan y duna nan espacio pa expresa nan mes. Un mensahe di union y respet pa nos democracia.

Mensahe di ex sostenedonan di AVP pa Mike Eman
Awe un señal fuerte a wordo manda pa Mike Eman. E sosten cu el a conoce na 2017, caminda 7000 persona a vota pe a transforma den uno caminda solamente 250 persona a acudi na su yamada pa e “marcha nacional”. Pueblo su wowo a habri y ta compronde awo dicon Mike Eman a haya un Koninklijk Besluit na 2014 pa “ondeugdelijk bestuur” (mal gobernacion).

Nan ta compronde awo cu Mike Eman a malgasta fondo publico sin responsabilisa su mes pa esaki, manera ta indica den e cuenta anual di Algemene Rekenkamer.

Nan ta comprende awo cu e mal gobernacion y falta di liderazgo di Mike Eman a conduci cu pais Aruba tin un debe gigantesco pa paga. Y sigur un señal fuerte a wordo manda cu fechoria manera a tuma luga den Lotto Pa Deporte, Utilities, Tereno-gate, Hedging y proyectonan fantasma manera menciona den rapport di Algemene Rekenkamer, no lo wordo acepta mas. Y pueblo a condena ayera fuertemente cu Mike Eman algun luna atras a falsifica informacion di Centrale Bank van Aruba y purba di manipula pueblo door di mal uza e logo di Central Bank van Aruba.

Pa conclui
Ta di spera awo cu Mike Eman acepta e mensahe aki y respeta resultado di eleccion2017. Ta un momento pa Mike Eman reflexiona y mustra mesun respet, grandesa y liderazgo cu Eveyn Wever-croes a mustra. Por ultimo mi ta haci un apelacion na oposicion pa presenta na trabou y traha na bienestar di pais Aruba. Ban uni manera sra. Evelyn Wever Croes a urgi pueblo ayera. Y laga practicanan pa segrega nos pueblo y crea desunion, manera Mike Eman ta boga pe ta pa pasado.

 

You May Also Like

‘Negociacion gobierno di AVP pa reapertura di refineria tabata un gañamento’

Lider di fraccion di POR den parlamento, Marisol LopezTromp a elabora riba e rol ...

‘Chip digital y violacion contra privacidad di hende’

E anuncio cu minister di husticia, Andin Bikker (POR) a haci pa introduci un ...

Sneek: ‘Cambia e base di ley existente ta rekeri estudio profundo’

Lider di fraccion di AVP den arlamento, Marlon Sneek, ta mustra cu ta di ...

‘Minister Oduber ta traha plataforma pa persigui mas hende politicamente’

No cabe duda, Minister Oduber ta un personahe di carnaval y ayera el a ...

‘Tin politico cu ta bebe lechi y lubida di cua baca nan a chik’e’

Den e actual campaña electoral tin politiconan di oposicion cu ta sigui inventa cosnan ...

Evelyn Wever Croes

Erornan den investigacion no mag ripiti

“Locual a sosode na 2015 cu un chauffeur bou di influencia di alcohol a ...