ORANJSTAD -Den nomber di lider di MEP, Evelyn Wever Croes, a anuncia sosten na Samira Rafaela, candidata pa Parlamento Europeo di D66.
Importancia di Union Europeo
Retonan cu nos ta enfrenta awendia conoce un caracter transnacional. P’esey ta importante pa nos miradanan no ta dirigi solamente riba oportunidadnan local, pero tambe internacional. Pa e motibo ey gabinete Wever-Croes a percura pa concretisa fondo di Union Europeo pa realisa e facultad nobo na Universidad di Aruba, esta SISTEM.
Union Europeo tin diferente otro programa cu por beneficia Aruba como pais. Programanan cu ta enfoca riba agricultura, pesca, clima y enseñansa. Pesey ta importante pa Aruba ta bon representa den Parlamento Europeo.
Samira Rafaela (D66)
Nos mester tin un representante integro y cu ta compronde e retonan cu Aruba ta enfrenta. Solamente si bo ta altanto di esaki bo por sali na interes di Aruba cu forbor y dicidido.
Samira Rafaela ta e candidato cu por bringa pa interes di Aruba den parlamento Europeo. Un hoben di apenas 30 aña cu amplio experencia den e ramo di Husticia y proyectonan social caminda inclusion ta di suma importancia. Como candidato number 3 riba lista di D66 e chens pa e drenta parlamento Europeo ta sumamente grandi.
D66 ta un partido cu ta enfoca hopi riba innovacion, enseñansa, oportunidadnan husto y un mundo sostenibel. Pa e motibo ey como partido MEP, nos ta sostene e candidatura di Samira. Cu sosten di Aruba e por bira e prome hende muhe di decadencia Caribense den parlamento Europeo.
Registracion
Na CEDE di MEP entre 3or pa 7or tur dia por pasa pa registra pa asina abo tambe por haci uzo di bo derecho pa vota. Te cu dia 11 di april CEDE lo ta habri pa yuda cu registracion. Ademas por registra traves di e www.d66.nl/registreren.
