Diahuebs 3 di october 2019 e apertura di e cas pa mamanan hoben a keda realisa.  Na e cas un mama hoben por haya un luga pa e biba temporalmente cu su baby y haya guia y sosten. 

Esaki ta un tremendo iniciativa y proyecto. Ta di aplaudi cu awor tin e oportunidad aki pasobra e mama por keda cu su yiu y no mester lag’e atras na Casa Cuna. Ta hopi importante pa un baby ta cu su mama, no solamente e mester di e amor y calor materno pero por gosa tambe di alimentacion natural. Manera ta conoci lechi materno tin su beneficio ariba cualkier tipo di formula.

En total e proyecto tin 4 camber y entrante 14 di october venidero un mama hoben cu ta desea di ta cu su yiu, pero pa cualkier circunstancia di bida no por tin e posibilidad y sosten necesario, tin un caminda pa acudi y keda cu su baby.

Un pabien na Casa Cuna como organisacion y tur otro stakeholder cu a yuda haci e proyecto aki posibel. Tambe na Gabinete Wever-Croes cu ta sostene proyectonan asina importante y necesario pa nos pais.

 

LEAVE A REPLY

Please enter your comment!
Please enter your name here