Parlamento a aproba privatisacion di Landslaboratorium

Minister di Salud Publico a presenta 2 ley di salud na Parlamento. Durante e tratamento di leynan aki, a adapta e ley di malesanan contagioso, cual tabata necesario teniendo cuenta cu e malesanan cu awo ta conoci na nos isla.  E ley aki parlamento a aproba y tambe esun otro di privatisacion di Landslaboratorium. 

Esaki ta informacion for di dos relatonan di parti di minister di Salud Publico.

Durante sesion di parlamento a trata dos ley cu ta regarda salud publico. E prome tabata mas bien un adaptacion di e Landsverordening Besmettelijke Ziekte (malesanan contagioso) y e di dos tabata trata privatisacion di Landslaboratorium.

En realidad e Landsverordening di Malesanan Contagioso ta un adaptacion mirando cu tin diferente enfermedad cu ta cay bao di e categoria aki cu a drenta Aruba e ultimo añanan y tambe mester proteha contra loke tin eyfo y cu no a yega Aruba ainda. Ora cu e enfermedadnan manera Chikinguya y Zika a lanta cabes, loke cu a haci ta traha un Decreto Gubernamental den pura, pa por a atende inmediatamente cu nan ‘awor nos a hinca nan den e Landsverordening hunto cu esun di Ebola di Africa’, e mandatario a splica.

E di dos ley trata pa loke ta salud ta e traspaso di Landslaboratorium pa Hospital. “Aki tabatin varios pregunta. Mas tanto riba e condicion di e trahadonan. Tabatin algun cu tabata al caso, pero otronan cu no tabata tin nada di haber cu e topico, pero nos a atende cada un di nan”, asina e mandatario a amplia. “Pa loke ta trata e trahadonan, mester bisa cu tin diferente factor hungando un rol. E proposicion cu nan a haya ta basa riba estudio di mercado, un contract basa riba mercado liber,” minister ta aclaria.

“Landslaboratorium awor a bira un organisacion riba su mes cu ta cay bao di hospital y e trahadonan tin cu bay over den e mundo di laboratorio di mercado priva pa asina nan por ta mas competitivo”,  e ta agrega. “Esaki ta implica cu e trahadonan cu dicidi di sigui lo bay atras pa cierto cosnan cu nan tabatin como ambtenaar, pero nan lo bay dilanti pa loke ta trata e parti financiero.”

 

E ta sigui bisa cu en general e ta un bon deal, pero tabatin di e trahadonan cu a uza e ocasion pa cambia di rumbo di trabao, pasobra cu nan no kier traha warda mas. “Asina tabatin diferente motibonan pa of bay over den e organisacion nobo, bay otro departamento of tuma un pakete.”

 

Den e areglo nobo nan mester yega na cierto cualificacion pa e metanan di calidad cu lo haci entrada otro aña unda cu tur laboratorio na Aruba lo mester bay cumpli cu cualidadnan minimo stipula pa Departamento di Salud Publico y AZV. “Con cu bay bin nos tin e responsabilidad como Gobierno y esey nos a bisa Parlamento tambe si ta un ta bin bek, 20 ta bin bek, nos tin e deber di busca un funcion pa nan den Gobierno.”

 

 

You May Also Like

Gasolin 7,5 cent mas caro

  Gobierno ta hisa e prijs di combustibel entrante mayan 14 di februari: Gasoline ...

Unda nos seguro social ta para?

Pa continua cu nos intento di separa hecho di ficcion, awe nos sistema di ...

Awe SIMAR kier haya mas claridad riba cambio den DPS pa informa su miembronan

Awe merdia directiva di SIMAR ta bay haya un presentacion for di oficina di ...

VENEZUELA: Union Europeo a yega na acuerdo pa mas sancion

E paisnan di Union Europeo (UE) a yega na un acuerdo pa adopta sancion ...

Speransa cu parlamento lo trata ley ortografia di Papiamento prome cu juli

Aunke 14 aña pasa, Papiamento a wordo introduci como lenga oficial cu e mesun ...

Presidente nobo Camara di Comercio:  Ernst Mohamed

Camara di Comercio di Aruba a eligi nan president nobo durante nan prome reunion ...