Parlamento cu varios reunion publico; Awe reunion publico tocante investigacion den Utilities

ORANJESTAD – E siman aki parlamento lo ta basta activo cu varios reunion publico. Pero sigur un di nan cu lo hala atencion ta esun di e compania di Utilities Aruba NV, cu ta agrupa tanto Elmar como WEB. Un caso cu a culmina cu e retiro di director di Utilities, Frank Hoevertsz.

Parlamentario y lider di fraccion di MEP, Rocco Tjon a declara na Bon Dia Aruba cu e siman aki a habri cu un reunion den e comision fiho di asuntonan financiero. E meta tras di dje ta pa haya informacion di e diferente partner, entre nan Banco Central, pa loke ta e diferente leynan cu nos organo legislativo ta bay trata.

Ayera nan a trata e ley di Notario, y awe nan lo bay debati riba Utilities N.V.
Tjon ta haya cu esaki ta un topico cu a haya hopi atencion. E ta haya bon cu parlamento mes por haya sa exactamente kico e investigacion forensico a trece dilanti.

Segun e parlamentario, ta importante pa por scucha tambe for di gobierno, kico nan ta bay haci. Pero tambe cu precaucion nan ta bay tuma pa ‘evita cu e tipo di practica por bolbe tuma luga den futuro.’

Diahuebs eventualmente nan lo trata e ley winstbelasting y geldstelsel, pa bin cu impuesto riba productonan cu tin su efecto riba salud di hende. Nan ta leynan cu lo kier bin cune den e fasenan cu ta forma parti di e reforma fiscal cu gobierno a bin cune. Nan lo cera e siman aki cu un reunion publico diabierna, riba con e crisis plan social ta wordo ehecuta.

E ta un ley caminda a wordo aloca 13 miyon florin pa atende cu e retonan di e problemanan social cu nos comunidad ta pasando aden. Minister di asunto social, Glenbert Croes mester rindi cuenta dilanti parlamento con e plan aki ta canando y alocacion di fondo tambe.

Ora cu parlamento a aproba e ley di e crisis social plan, a wordo añadi un articulo caminda ta wordo fortifica e autoridad di parlamento pa loke ta control. Pues e minister en cuestion mester presenta na parlamento cada tanto luna pa duna un splicacion – segun Tjon – pa medio di cifranan tambe.

 

You May Also Like

situacion trahado F&B Riu hotel Br.jpg

FTA ta desaproba cualkier medida di Riu hotel contra trahadonan di F&B cu a protesta

Sindicato FTA ta spera cu gerencia di Riu hotel no bin cu  medida disciplinario ...

Control riguroso riba bendemento di cuminda y bebida durante carnaval

E aña aki, departamento di higiena y siguridad alimenticio ta sigui realisa su control ...

bon dia citgo A3.jpg

Citgo inaugura: ‘Prome paso pa un relacion mas estrecho Venezuela – Aruba’

SAN NICOLAS –  Ayera mainta un steel band a percura pa trece un ambiente ...

Prohibicion di importacion di material for di Venezuela

Minister encarga cu Finansas a elabora riba paro di importacion di koper for di ...

meverly romano.JPG

Departamento di Impuesto druk cu cliente entregando declaracion di inkomstenbelasing

ORANJESTAD – Mayan ta e ultimo dia cu por haci entrega di inkomstenbelasting of peticion ...

image.jpeg

TRAINING CRUZ CORA ARUBA DURANTE WEEKEND NA KORSOU

E ultimo weekend Krus Korá Korsou a ricibi un total di 40 voluntario pa un ...