(NLTimes) – Tweede Kamer, parti di parlamento Hulandes, a publica riba diahuebs e playlist cu e cantica faborito di cada un di e 150 miembronan elegi di parlamento. Tweede Kamer nobo a keda instala na Den Haag riba diaranson despues di e eleccionnan parlamentario di e aña aki.
“For di cancionnan di inspiracion na cancionnan cu nunca ta muri, e coleccion colorido aki ta refleha e diversidad den preferencia musical di nos 150 representantenan elegi,” e descripcion riba Spotify ta bisa.
E cantante folklorico Andre Hazes ta e artista mas comun riba e lista cu 5 cantica, sigui pa e banda di rock Britanico Queen cu 4 cantica y e cantante Mericano Michael Jackson y banda di rock Irlandes cu 3 cancion cada un.
Lider di VVD Dilan Yeşilgöz-Zegerius a nombra Jolene di Dolly Parton como su faborito, mientras lider di BBB Caroline van der Plas a scoge “The Load Out” di musico Mericano Jackson Browne. Lilian Marijnissen di SP a opta pa “Bad” di U2 y Esther Ouwehand di PvdD a scoge “People” di banda di rock Britanico GNOD.
Algun lider di partido a resalta pa nan escogencia, manera lider di partido NSC Pieter Omtzigt ken a scoge “O Fortuna” di Carl Orff. Rob Jetten di partido D66 a scoge “Bumayé” di e banda di Zwolle, Typhoon & New Cool Collective. Henri Bontenbal di CDA a scoge Symphony No. 9 di compositor di Austria Anton Bruckner. Lider di partido FvD Thierry Baudet, ken ta describi su mes como un defensor ardente di musica clasico a sorprende scogiendo “Free as a Bird” di The Beatles como su cancion faborito.
