Abo ta interesa den con Wikipedia ta funciona? Bo kier yuda pa mustra cultura, historia y idioma di Aruba na mundo? Uni cu nos den “Ban Wiki!”. E proximo edicion ta tuma luga diaranson, 18 di juni, di 5:00 PM te 7:00 PM na Biblioteca Nacional Aruba.
E edicion aki ta enfoca riba tema di emancipacion, bou di guia di investigado cultural Dr. Luc Alofs, cu lo comparti su conocemento y sostene participantenan mehora contenido historico riba Wikipedia. E tayer aki lo wordo haci na Papiamento y Ingles.
Ban hunto explora Wikipedia. Siña con pa crea y mehora articulo riba Wikipedia, traduci contenido na Papiamento (AW) of otro idioma y subi imagen. Esaki ta un oportunidad pa siña cos nobo, conecta cu otro hende y contribui activamente na conocemento liber.
Ta necesario pa registra bo participacion pa nos por guia e proceso y prepara materialnan. Inscribi pa medio di nos pagina principal: Wikipedia na Aruba, unda tin mas informacion di nos proximo encuentro tambe referencia, fuente y literatura relevante.
Trece bo laptop of usa un computer di Biblioteca. Lo tin algo pa refresca durante e tayer.
Laga nos hunto explora nos pasado y skirbi futuro. Nos ta conta riba bo presencia, Ban Wiki!
