Segun informacion di formador y lider di partido MEP, Evelyn Wever- Croes, e coalicion MEP-POR-RED a yega na un acuerdo riba e reparticion di carteranan di minister.
Awor falta pa finalisa e proceso di candidato pa minister, manera e screening. Formador ayera ta informando e gobernador di e ultimo fase aki di e formacion y asina, consecutivamente otro siman por informa comunidad di Aruba con e carteranan ta reparti. “Ta premira cu pa otro siman, cu poder di Dios, e gobierno nobo por keda instala”, sra. Wever- Croes ta comenta.
Manera Bon Dia a publica siman pasa segun nos fuentenan e cartera di Husticia ta bay pa Andin Bikker (POR), Turismo pa Dangui Oduber (MEP), minister Plenipotenciario pa Ady Thijsen (MEP). Tambe tin indicacion cu e cartera di Financia ta bay pa Xiomara Maduro (MEP).
