(AP)—Cachonan corgi adorable, conoci pa nan asociacion cu e Famia Real Britanico, ta en berdad un rasa di coredornan pasiona.
Esey ta al menos segun e 120 equipo rond Europa tumando parti den e Corgi Race Vilnuis, den e capital di Lituania, cual a atrae un cantidad di cacho internacional y nan doñonan for di diferente pais incluyendo Polonia, Latvia, Alemania, Austria y Italia.
Miles di Lituanio a reuni den e parke mas grandi di e capital diasabra y diadomingo pa mira e evento—un solo sprint, un competencia pa e “boz mas feroz”, retonan di costuum y careda den grupo.
E evento a culmina diadomingo cu e yamado World Corgi Meetup, unda cachonan na Lituania lo ser conecta via un emision en bibo cu nan compañeronan na Merca, Irlanda y Polonia. “E ta hopi leu y un gran emocion pa henter e famia, algo positivo cu hopi hende ta desea durante e tempo aki,” segun docente pensionado Janina Stoniene, ken a asisti e evento cu su tres nietonan. E muchanan a bisa cu nan a gusta e retonan di costuum unda cachonan tabata bisti den trahenan manera di Batman, un prinses of un avion.
Un corgi yama Amigo, bistiendo un costuum cu tema di fabrica completa cu dos schoorsteen, a ser nombra e ganador di e competencia ey. Un otro yama Mango, di ken su doñonan ta di Lituania, tabata e campeon pa e careda soltero.
“Esaki ta un mango, manera un fruta mango, y nos ta participa pa segundo bes den Corgi Race 2015,” segun Ignas Klimaika, un amante di corgi for di Vilnuis. “Aña pasa nos no a logra caba cu e careda perfectamente. Nos tabatin bon tempo. Nos a entrena tur dia, pero e aña aki nos a dicidi pa no entrena, djis pa participa y disfruta di tur cos corgi,” el a bisa.
Pero e aña aki, Mango a gana e competencia di careda, mientras su doñonan a grita y saluda pa purba inspir’e pa gana. “E sa kico el a haci y e ta hopi orguyoso di su mes,” Ignas a bisa, ken ya ta planeando pa 2026.
