Hopi biaha mester raciona e awa na St. Eustatius. Motibo pa propietario di hotel Claudia Wickert y su casa Bob Castelijn explora e opcionnan. Hunto cu un compania di perforacion Hulandes, a haya ader bou tera: Awa di yobida cu tin fluho desde e krater di e volcan pa lama.

“Pa casi tur cos solamente tin un empresa. Si bo no ta satisfecho, bo no por cambia esaki. Esaki ta un señal cu nos ta harta”, Wickert a bisa. E y su casa ta bibando na Sint-Eustatius pa dies aña caba y ta dirigi Orange Bay Hotel. “Specialmente cu un empresa di catering, bo mester Sint-Eustatius su awa sin stop”.

Habitantenan di Sint-Eustatius ta depende di e compania di servico di Sint-Eustatius pa asina haya awa. Nan tin un fabrica di awa, pero ta establece racionamento regularmente debi na e pompnan cu no ta funciona bon, of ora e suministro ta casi bashi. Wickert: “Nos tin awa pa tres ora durante mainta, y tres atardi; y esaki ta durante dianan y dianan tras di otro”. Sinembargo casi tur cas tin regenbak pa warda awa di yobida.

E idea awo ta pa coba pos y pomp e awa di yobida di e adernan cu a ser encontra. E pregunta ta si e lo keda un proyecto priva, of un solucion pa full e isla. Ainda ta wardando pa haya un si of no pa asina ricibi apoyo financiero di Hulanda. Wickert: “Mi ta spera cu nos por enfrenta esaki hunto”.

“Incluso e brigada di bombero a declara cu tres trimester di aña no tin suficiente awa den caso di un candela”, Lou Thijssen di e compania di perforacion involucra a bisa. E preparacionnan lo tuma mas cu un aña pa motibo cu tambe mester di permiso di gobierno. Awo tin un grupo chikito interesa pa participa, inclui e brigada di bombero.

Prueba di perforacion.
Siman pasa Thijssen a busca adernan di awa riba e isla hunto cu un bara magico cu cual ta trahando pa añanan cune. Tambe el a realisa varios perforacionnan di prueba den pasado. E demandanan ta halto. E awa mester ta awa dushi, no awa warm y sin contaminacion cu fosfaat of nitrato di volcan. E brigada di bombero y agricultura por uza e awa sin filtra, e residentenan y hotelnan probablemente mester un filter.

Ainda nan no kier comparti e ubicacionnan y e cantidad di adernan haya. “Awo mi ta bay haci un analisis pa alocacion. Prome mester e ayudo financiero, despues nos ta comparti e coordinacion”. Pero nan mester traha posnan dentro di tres pa cuater luna. Bas Roorda, ex Hefe di Finanzas di Sint Maarten, ta participa den e iniciativa di Hulanda. E ta raporta na Tweede Kamer tocante e situacion di Sint-Eustatius.

“E awa ya basta tempo caba ta un problema, e no ta limpi, e presion no ta bon y no tin suministro regular. Gobierno Hulandes tin e responsabilidad di garantisa e salud y siguridad publico. Esaki ta nifica awa potabel limpi y suficiente awa pa paga candela”. Por lo tanto Roode ta spera cu Den Haag dicidi pa pone placa disponibel pa un instalacion di perforacion.

 

LEAVE A REPLY

Please enter your comment!
Please enter your name here