Diamars anochi, usuarionan di rednan social a comparti video y imagen mustrando un persona ta causa destruccion na porta di Parlamento, y algun auto den cercania. Ministerio Publico ayera a duna informacion tocante e suceso den un comunicado di prensa.
Segun OM, “un persona den estado di confusion a destrui un bentana di e porta di entrada di Parlamento cu un obheto duro. Siguientemente el a bora tire di un of mas auto parkeer riba e parkinglot.”
Polis a yega na e sitio y a detene e persona, segun e comunicado, y te cu ayera, e tabata sigui den detencion.
Ministerio Publico ta enfatisa cu ta trata aki di un incidente y orden publico no ta na peliger.
Ciudadanonan por confia cu autoridadnan ta actua na manera alerta y cu seguridad di e edificio di Parlamento ta garantisa.
