ROTTERDAM – Un persona, di cual su identidad ainda no ta conoci, a fayece na hospital despues di un marathon na Rotterdam. Na peticion di e famia, e organisacion di e marathon no a duna informacion di e susedido. Pa medio di un comunicado, e organisacion a manda nan pesame pa e famia.
Segun e fuente nos.nl ta raporta, algun di e participantenan di e marathon mester a haya asistencia medico pa motibo di e calor cu tabata haci na Rotterdam. Segun e fuente, tres participante mester a ser reanima.
E marathon riba su mes a conta cu participacion di mas o menos 17 mil persona y tabata tin segun calculo mey miyon di hende para na banda ta anima. Tabata durante di a marathon aki cu e homber Marius Kipserem, procedente di Kenia, a kibra e record nacional, poniendo esaki na 2 ora, 4 minuut y 11 seconde.
Potret ta di e fuente nos.nl
