Peter Kroll: ‘Den futuro, prijs di bienes y servicio stipula den oro y paga cu Bitcoin’

(Curaçao Chronicle) – Peter Kroll ta director di BTC Curacao, cual ta un think tank cu su mision ta conscientisa y promove adopcion di Bitcoin, un standard monetario global nobo, na Corsou.

“Nos ta prmove Bitcoin usando mercadeo local y rednan social. Tambe nos ta un fuente di educacion pa economia Bitcoin local. Nos ta lucha pa produci materialnan di training y informacion den Ingles y Papiamentu”, Kroll a bisa.

Segun Kroll, nan ta haci investigacion y ta evalua cartera y intercambio y nan sostenibilidad pa e mercado local. Tambe nan ta haci donacion na proyectonan di infrastructura di Bitcoin, manera Bluewallet.io, Bitcoin Explorer y Bitcoin Core.

Contestando si Bitcoin ta popular na Corsou, Peter a indica cu basa riba nan cantidad di siguido riba Facebook, Instaram y Telegram, e ta calcula cu 1% di poblacion di Corsou tin placa warda den Bitcoin. Tambe tin mas di 50 negoshi cu ta acepta pago cu Bitcoin. “Mi ta kere esaki lo crece solamente.”

“Hende a cuminsa compronde Bitcoin como tecnologia di spaar. Mayoria di hende ainda ta confundi tocante e prijs di Bitcoin fluctuando den dollar. Nan ta preocupa cu nan ta bay perde placa. Nan mester ainda aprecia cu Bitcoin ta e prome activo den historia humano cu un suministro fiho, loke ta nifica cu semper lo tin solamente 21 miyon Bitcoin. Y bo por cumpra un fraccion minusculo di un Bitcoin, yama un satoshi. A traves di e 12 aña di historia di Bitcoin, e prijs a keda aumenta si bo wanta bo Bitcoin pa mas di tres aña. No tin miho vehiculo pa spaar a largo plaso.”

“Mientras adopcion di Bitcoin como tecnologia di spaar ta crece, e siguiente fase den efecto red di Bitcoin – e fase di Tecnologia di Gasto – lo cuminsa. Nos ta na un etapa inicial di competencia entre Bitcoin y sistemanan di pago tradicional (cash y carchi di banco). E tecnologia aki ta yama Bitcoin Lightning network. Educa publico y negoshinan riba Lightning network ta parti di nos mision.”

Kroll a indica cu tin posibilidad pa mina Bitcoin, e ta algo cu no ta rekeri permiso di niun hende. “Bo mester acceso na electricidad barata. Pa e motibo aki, mina Bitcoin e dianan aki ta ser haci principalmente na sitionan industrial y no na cas. Exceso di energia hidroelectrico y LNG ta fuentenan comun di electricidad usa pa mina Bitcoin. Den futuro, nos por mira e crecemento di mineria di Bitcoin na cas usando exceso di energia solar.”

Kroll ta kere cu esaki ta e futuro di sistema di pago. Algun banco central ya tin Bitcoin como activo di reserva, ademas di dollar Mericano y oro. Ta probabel cu mas lo sigui e tendencia aki.

“Pa pagonan di tur dia, mi ta kere cu durante e transicion na e Bitcoin Standard, e moneda digital Bitcoin lo ta un opcion complementario na cash y carchi di banco pa algun decada mas.”

Contestando kico ta su opinion di otro criptomonedanan, Kroll a indica cu Bitcoin ta criptomoneda original. 125 miyon hende ta doño di Bitcoins. E no tin lider pasobra e inventor Satoshi Nakamoto a bandona e proyecto a desparece despues di dos aña. Tin centenares di desaroyadornan manteniendo e software di Bitcoin.

Ora Bitcoin a wordo lansa, e suministro inicial di moneda tabata distribui hustamente na cualkier persona minando riba e red. Tin 50mil minero di Bitcoin globalmente. Mayoria di otro criptomoneda no ta usa mineria; na luga di esaki, nan ta duna e suministro inicial na e fundadornan directamente. Nan ta copianan di Bitcoin sin proposito, no tin desaroyadornan ni uso den mundo real.

Por ehemplo, durante lansamento di Ethereum, 70% di e suministro a wordo aloca na e fundadornan. Pues, otro criptomoneda nunca ta bay ta descentralisa manera Bitcoin.

E descentralisacion di Bitcoin ta nifica cu ningun gobierno por interferi cu su suministro fiho, reglanan, ni shutdown Bitcoin.

Kroll tambe a indica cu Bitcoin ta ser considera oro digital. Tanto oro como Bitcoin ta placa solido. Bitcoin tin bentaha riba oro, manera e hecho cu no tin peso y por wordo transporta rond mundo via internet den algun minuut.

Por warda bo yabi priva di Bitcoin graba den metal, pues Bitcoin por comparti tur e bentahanan di metal, manera por verifica fisicamente, waterproof, y resistente na candela.

E bentaha di oro ta cu su balor ta stabiel pa centenares di aña. Pa e motibo aki, den futuro, Kroll ta kere cu bienes y servicionan lo haya nan prijs den oro, y lo paga cu Bitcoin.