(Infobae) — Presidente Colombiano Gustavo Petro a rechasa e criticanan cu a surgi despues cu el a confirma cu tabata e mes cu a yama presidente di Merca Donald Trump pa tene un combersacion via telefon, y el a nenga cu el a “dobla rudia” dilanti di Merca.
Den medio di e controversia, e hefe di estado a defende e como un instrumento legitimo pa progresa den paz, tanto pa Colombia como pa e region.
E polemica a explota despues cu Petro a anuncia publicamente cu el a papia cu Trump, den un mensahe cu a implica cu e yamada a bin for di iniciativa di e presidente Mericano. Sinembargo, despues a confirma cu tabata e presidente Colombiano mes a tuma contacto, algo cu a ser aclara pa medio di The New York Times.
Despues di criticanan y acusacionnan riba rednan social, unda cierto sectornan a describi e como cu tabata “dobla rudia”, Petro a responde for di su cuenta na X cu un mensahe fuerte. “Libertad of libertad,” e presidente a skirbi, prome cu sigura cu ta otro “mentira” promovi pa esnan cu, segun e, ta busca des legitimisa su politica exterior. “Dialogo no ta hinca rudia, mentiranan si,” el a declara.
E hefe di estado a sostene cu papia cu Merca ta necesario pa trata asuntonan structural manera paz, democracia global, soberania di America Latina y e estrategia contra trafico di droga. “Pa paz semper bo mester dialoga,” Petro a ripiti, splica cu e combersacion cu Trump tabata enfoca riba e situacion den Colombia y den e region.
“Ni un hende cu ta di M-19 ta rechasa dialogo; ta den dialogo ta haya paz,” Petro a expresa, referiendo na su pasado politico y na su conviccion cu combersacion cu Merca ta clave pa enfrenta reto comun.
E yamada entre tur dos presidente a ser haci den un momento di tension diplomatico, marca pa discrepancianan entre Washington y Bogota riba politica antidroga y cooperacion regional. Segun fuente cercano di gobierno Colombiano, e iniciativa di Petro pa tuma contacto tabata pa desactiva malentendidonan y habri canalnan di comunicacion directo cu e Cas Blanco.
Di su parti, Trump a confirma cu el a ricibi e yamada y a describi esaki como un honor. Den un mensahe riba e red social Truth Social, e presidente Mericano a splica cu e combersacion a toca tema relaciona cu trafico di droga, manera tambe otro diferencianan entre tur dos administracionnan, y el a resalta e tono respetuoso y cordial di e comunicacion.
E presidente di Merca a agrega cu su Secretario di Estado, Marco Rubio, y e minister di Exterior Colombiano, Rosa Villavicencio, ya ta coordinando areglo pa tene un reunion presencial na e Cas Blanco na Washington.
Petro a describi e encuentro aki como “historico” y a anticipa cu lo ta un oportunidad pa fortalece relacion bilateral, trata strategia conhunto contra crimen organisa y busca solucion pa e retonan di e region.
Ademas, den un serie di publicacion riba X, Petro a sigura cu den e combersacion cu Trump el a papia tocante loke el a yama e “Junta di Trafico di Droga”, un grupo cu alianza internacional cu, segun su version, ta controla trafico di cocaina for di Bogota, Boyaca y Catatumbo pa Venezuela, Ecuador y otro waf.
E presidente a splica cu, segun su denuncia, e organisacionnan aki ta biba pafo di e pais, tabatin acuerdo hudicial den Merca y a pone Clan del Golfo y Ivan Mordisco na nan servicio.
Petro a indica cu e retonan aki ta usa submarino y barconan di mercado pa transporta cocaina, ta entrena hoben pa opera riba barconan y subi barconan grandi, y cu nan hasta tabata plania un atentado contra su bida, aunke el a declara cu e hende cu kier a mata’e a muri na Ecuador.
Ademas, el a splica cu e cocaina cu a yega na Apure, Venezuela, a sali pa avion for di Bogota, mientras cu esun cu ta sali via Catatumbo ta ser cumpra pa e organisacionan aki y nan aliado internacional, incluyendo mafia Mexicano y Albanes.
Cu e declaracionnan aki, e presidente Colombiano a splica loke el ta considera e magnitud di e problema di trafico di droga transnacional y e necesidad di cooperacion internacional pa enfrenta esaki, lagando cla cu e temanan aki tabata parti di e combersacion cu Trump.
