(AP) – Pfizer Inc. a bisa diabierna cu e pildo antiviral experimental pa COVID-19 a corta e averahe di hospitalisacion y morto cu casi 90% den adultonan di halto riesgo, mientras cu e fabricante di medicina ta drenta e careda pa crea un tratamento pa COVID-19 cu ta facil di usa.

Actualmente, mayoria tratamento pa COVID-19 ta rekeri IV of inyeccion. Competidor Merck su pidlo pa trata COVID-19 ya caba ta bao di reviso di Food and Drug Administration despues di a demostra resultadonan fuerte den e fase inicial di eestudiobnan, y riba diahuebs siman pasa U.K a bira e prome pais cu a aproba e uso di e pildo aki.

Pfizer a bisa e lo puntra e Food and Drug Administration y reguladornan internacional pa autorisa nan pildo lo mas pronto posibel despues cu expertonan independiente a recomenda pa para e compania su estudionan basa na e forsa di nan resultado. Na momento cu Pfizer aplica, e Food and Drug Administration por haci un decision dentro di e simannan of lunanan binidero.

Desde comienso di e pandemia aña pasa, investigadornan mundialmente ta den careda pa haya un pildo cu ta trata COVID-19 cu por ser tuma na cas pa alivia e sintomanan, haci e recuperacion mas lihe y mantene pashentnan fuera di hospital.

“Si nos tin pidlo pa trata COVID-19 for di comienso, e lo ta un avanse hopi importante,” Dr. John Mellors, hefe di malesa infectuoso na University of Pittsburgh, ken no a forma parti den e estudio di Pfizer a bisa.

“Si un hende desaroya sintoma, y test positivo nos lo por haci un receta na e farmacia local manera nos ta haci pa hopi hopi malesa,” el a elabora.

Riba diabierna, Pfizer a lansa resultadonan preliminar di su investigacion cu a inclui 775 adulto. Pashentnan cu a ricibi e compania su medicina hunto cu otro antiviral despues di demostra sintoma di COVID-19 a mira un reduccion di 89% den nan averahe di hospitalisacion of morto despues di un luna, compara cu e pashentnan cu a tuma un pildo di control. Menos di 1% a keda hospitalisa y tabatin 7 morto.

“Nos tabata sperando cu nos por a mira algo extraordinario, pero e ta poco comun pa mira un medicina cu un averahe di 90% di eficacia y 100% proteccion di morto,” Dr.. Mikael Dolsten, Pfizer su oficial cientifico a bisa den un entrevista.

LEAVE A REPLY

Please enter your comment!
Please enter your name here