(NLTimes) – Philips a descubri problemanan nobo cu su mashinnan pa respiracion. E tecnologia di cuido di salud a informa Merca su FDA y reguladornan den otro paisnan tocante esaki.

E anuncio ta expande Philips su problema andando cu e foam pa absorbe zonido den dispositivo pa problema di drumi y mashinnan pa respiracion.

E caso cu e dispositivonan aki tin mas di un aña andando. Den algun dispositivo di Philips, e foam aki ta cuminsa kibra, resultando den problema di salud potencial pa e personanan cu ta respira esaki. Philips ta den e process di reemplasa 5.5 miyon dispositivo. Mas di 4 miyon di esaki ya caba a ser reemplasa.

E problemanan aki ta concerni e mashinnan pa respiracion yama Trilogy, ken su foam Philips a reempasa caba. E foam nobo posiblemente por los y blokia e cantidad di aire cu ta Sali. Si esaki tuma luga, e alarma ta cuminsa zona.

Segun un vocero di Philips, e compania awo tin cu reemplasa aproximadamente 170,000 mashin di respiracion Trilogy. E compania apenas a cuminsa trata e problematica aki. Solamente 20,000 dispositivo a keda reemplasa, mas tanto na Merca y Hapon. Philips a ricibi 10 reportahe di dispositivo cu defecto, segun e vocero. Tambe nan a bisa cu Philips no a reemplasa ekipo di Trilogy na Hulanda.

Tin rastro di sushi tambe cu a ser haya den algun dispositivo modifica. Investigacionnan preliminar ta indica cu esaki ta inclui particula kibra di e foam. FDA a pidi informacion adicional di Philips pa compronde di miho manera e causa di e defectonan nobo. E compania a premira cu lo provee un actualisacion na e extento di e problemanan y posiblemente lo tuma accion prome cu e fin di luna.

E vocero no por a bisa si e problemanan nobo lo trece costo adicional pa Philips. E problemanan cu e dispositivo ya caba a trece un costo di miyones di euro pa e compania. Esaki ta apart di e costonan legal, pa por ehempel demanda di clientenan disgusta.

Inversionistanan tambe no ta satisfecho cu e estado di e compania. Den september, e grupo di interes pa e inversionistanan VEB a tene Philips responsabel pa e perdidanan cu e shareholdernan a sufri. VEB a calcula cu e daño causa ta na 16 biyon euro actualmente.

Luna pasa, Philips a auncia cu nan lo pone un suma di 1.3 biyon euro den e unidad responabel pa e dispositovonan. E compania ta premira cu un acuerdo cu e sistema hudicial di Merca lo reduci e balor di nan subsidiario Respironics significantemente.

LEAVE A REPLY

Please enter your comment!
Please enter your name here