(CuraçaoChronicle) – Prome Minister Gilmar Pisas a reconoce cu miembronan di parlamento di Corsou tin derecho di critica y publicamente desafia ministernan, incluyendo esnan cu ta pertenece na nan propio partido politico. Tambe e ta mantene cu impone sancionnan politico riba parlamentarionan pa ehecuta nan responsabilidadnan constitucional no ta un practica di su administracion.
E prome minister a haci e declaracionnan aki den contesta por escrito cu fecha di 6 di october na 7 pregunta parlamentario entrega pa miembro di oposicion Parlamentario Sheldry Osepa. Osepa a entrega su preguntanan dia 5 di juli despues di expresa preocupacionnan serio tocante declaracionnan publico haci anteriormente pa Pisas tocante lealtad politico y e relacion entre parlamentarionan y nan liderazgo di partido.
Segun Osepa, e prome minister su remarcanan anterior a crea e impresion cu parlamentarionan cu criticamente cuestiona minister di nan propio partido por ser mira como uno cu ta actua contra nan propio organisacion politico of gobierno.
E parlamentario PNP a describi e interpretacion aki como uno peligroso y contrario na principionan politico.
Osepa a enfatisa cu miembronan di Parlamento a ricibi nan mandato directamente for di votadonan, no for di partidonan politico of e prome minister. E responsabilidad constitucional pa critica gobierno su politica y decisionnan, sin importa cual partido politico ta controla e administracion.
Den su contestanan escrito, Pisas a confirma cu parlamentarionan ta haya nan autoridad for di electorado y no ta subordina di e prome minister. El a reconoce tambe cu Parlamentarionan mester por eherce nan responsabilidadnan di supervision hasta ora cu haci esaki ta nifica cuestiona of desafia ministernan for di nan propio partido politico.
Ora a puntra si un parlamentario por publicamente ta den desacuerdo cu un minister di e mesun organisacion politico ora cu e interes nacional ta rekeri esaki, Pisas a contesta den acuerdo.
Segun e prome minister, e principionan aki ta forma parti di e fundeshi di democracia parlamentario.
Sinembargo, su contesta tabata mas cualifica ora cu Osepa a puntra si e por garantisa cu parlamentarionan cu sostene gobierno no lo enfrenta presion politico pa eherce nan huicio independiente.
Pisas a señala cu Corsou actualmente no tin un gobierno di coalicion. Su partido MFK tin mayoria absoluto den Parlamento, cual ta permiti e partido goberna sin partnernan di coalicion.
El a splica cu den gobiernonan forma via coalicion politico, parlamentarionan mester tene na cuenta acuerdonan cu a yega entre e partidonan participante.
Basa riba experiencia den politica di Corsou, Pisas a expresa confiansa cu e tipo di acuerdonan politico aki ta respeta den practica.
Tocante e pregunta separa di si parlamentarionan por enfrenta consecuencianan politico pa ehecuta nan responsabilidad constitucional, e prome minister a declara cu impone e tipo di sancionnan aki no ta un practica di e gobierno actual.
E intercambio ta enfatisa e distincion entre lealtad di partido politico y e independencia constitucional di representantenan eligi.
Osepa a adverti cu pone lealtad di partido riba supervision parlamentario por debilita e balans di poder entre e brasanan ehecutivo y legislativo di gobierno.
El a argumenta cu parlamentarionan mester mantene e libertad pa goberna decisionnan, incluyendo esnan haci pa ministernan representando nan propio organisacion politico.
Pisas a acepta cu supervision parlamentario ta un salbaguardia fundamental contra abuso di poder di gobierno.
Sinembargo, e prome minister no a atende e declaracionnan aki directamente cu a causa Osepa su preguntanan. Tampoco e no a splica cua proteccionnan ta implementa pa proteha parlamentarionan for di posibel presion politico dentro di nan partido.
E dialogo ta particularmente relevante pa Corsou su situacion politico actual, den cual MFK ta controla ambos gobierno y un mayoria absoluto den Parlamento.
Aunke e partido parlamentario su mayoria ta provee stabilidad politico, e responsabilidad constitucional pa critica gobierno su decisionnan lo keda cu tur miembro di Parlamento, incluyendo esnan cu ta sostene e administracion.
Pisas su contestanan pro escrito ta establece su posicion cu parlamentarionan tin e derecho di eherce e responsabilidad aki di manera independiente, hasta ora cu nan critica ta dirigi na minister for di nan orpio partido
