(AFP)—Ucrania lo uni na Union Europeo (EU) na januari 2027 bao e plan mas recien di Merca pa caba cu e guera cu Rusia, segun un fuente familiar cu e asunto a conta AFP diabierna.
E progreso complica di acceso na EU sa tuma par aña y ta rekeri un voto unanimo for di tur 27 miembro di e bloc, y algun pais, notablemente Hungria, vota repetidamente en contra di Ucrania su entrada.
E idea di un union rapido ta inclui den e ultimo version di un plan lidera pa Merca pa caba cu e guera, cual lo tambe mira Ucrania entrega tera na Rusia, y a causa un tension diplomatico den Europeo durante e ultimo par siman. “E ta para eynan pero e ta keda un asunto pa negocia, y Mericanonan ta sosten’e,” e oficial mayor, papiando riba condicion di anonimidad, a bisa, referiendo na e plan di Merca.
Mientras tanto, Europeo y Ucranianonan ta puntrando Merca pa duna nan “garantia di seguridad” prome cu Ucrania negocia cualkier entrega teritorial, segun e presidencia Frances a bisa diabierna.
Washington tin e bentaha necesario pa convence lidernan oponiendo e miembresia di Ucrania pa cambia nan posicion, segun Zelenskyy a conta reporteronan, incluyendo AFP, diahuebs. “Merca por tuma stapnan pa desblokia nos caminda pa Union Europeo,” el a bisa, agregando cu “e presidente Mericano tin varios bentaha di influencia y cu esaki lo tin un efecto riba esnan cu ta buscando pa blokia Ucrania.”
Kyiv a lucha pa miembresia di EU pa hopi tempo y a implementa reformanan desde un revolucion pro-Europeo na 2014 pero a hay’e dificil pa destrui corupcion endemico—un prerekisito clave pa uni na e bloc.
Despues di completa un tour diplomatico den Europa siman pasa, Zelenskyy ta planea pa bishita Berlin dialuna pa mas discusion riba e plan, detayenan completo di cual no a ser publica. Zelenskyy lo discuti “e status di negociacionnan di paz den Ucrania” cu “varios lider di estado y gobierno Europeo, como tambe lidernan di EU y NATO,” Berlin a bisa.
Moscu a indica diabierna cu e tabata sospecha tocante e esfuersonan pa modifica e plan di Merca, cual el a sosten’e den gran parti y a acorda na mayoria exigencia. “Nos tin un impresion cu e version aki, cual ta treciendo dilanti pa discusion, lo empeora,” segun ayudo di politica den exterior di e Kremlin, Yuri Ushakov, a conta corant empresario Kommersant.
“E lo ta un proceso largo,” el a agrega, bisando cu Moscu no a mira un version actualisa di e plan desde e discusionnan entre presidente Ruso Vladimir Putin y envio Mericano Steve Witkoff y Jared Kushner na Moscu siman pasa.
Zelenskyy a bisa diahuebs cu Washington kier pa solamente Ucrania, no Rusia, retira su tropanan for di e algun parti di e region Donetsk den oriente, unda lo instala un “zona economico liber” y demilitarisa entre e dos ehercito.
Diabierna anochi, un consehero pa presidente Frances Emmanuel Macron a bisa: “Ucranianonan no a haci ningun acuerdo riba e teritorionan, no ta considerando ningun acuerdo riba e teritorionan awor y no ta considerando un DMZ (zona demilitarisa.)”
Rusia, cual tin e bentaha numerico den tropa y arma, ta avansando riba e campo di bataya pa algun luna caba, unda den november el e avance mas rapido den un aña.
Sinembargo riba diabierna, Ucrania a bisa cu el a tuma atrobe dos colonia cerca di Kupiansk—un ciudad importante y un centro di railway den noordoost di e pais. Zelenskyy a bishita e tropanan cerca di Kupiansk pa felicita nan—y a graba un video di su mes riba caminda na e entrada di e ciudad.
Un atake aereo di Rusia a trece daño na un barco di carga di Turkia den e region di Lama Preto den Odesa, segun Kyiv y e operador a bisa diabierna, causando un yamado atrobe for di Ankara pa stop cu e atakenan riba infrastructura di waf.
Turkia a adverti anteriormente di un “escalacion preocupante” den e Lama Preto despues cu Ucrania a tuma responsabilidad di atakenan di drone riba tankernan conecta cu Rusia den e area, y a haci yamado pa un “suspension” di atake.
