Un persona atento a tuma nota di un auto shinishi drenta bou di e edificio na ex Kong Fui na Palm Beach y tabatin basta hende ta cana den e edificio posibelmente busca algo pa horta. Patruya a presenta basta lihe na e sitio y topa cu un auto su bahula yena cu wayanan di coriente cu tin koper aden, polis a constata un cantidad grandi di waya a keda corta den e auto, den bahul y pafo tabatin mas. Nan lo kier a horta esaki pero no a logra unda polis a garanan basta lihe. A gara un di e tres hombernan cu tabatin den e edificio. E tin cu bay duna cuenta na autoridad kico tabata su plan cu e cabelnan aki y unda ela hortanan. E auto a keda tuma den beslag tambe.
