Habitantenan di Wayaca y Wayaca Residence tabata basta atento dialuna mainta ora tabata mira un v-car Nissan Versa cora ta core den e bario cu tres perona aden ta vigilando cas. E sospechosonan aki a keda gara pa un persona ora cu alarma di un cas a activa nan a core subi auto y bandona e sitio.
Neighborhood Watch
Sin embargo tabata tin hende vigilando e sospechosonan na momento cu nan a staciona auto na Wayaca Falls. Aparentemente ta trata di algun habitante cu ta comunica cu otro bisiñanan via di un grupo di WhatsApp di “Neighborhood Watch” cu a meld na polis. Recherche, K9 Unit y patruya policial a rondona e auto y topa tres persona. Nan a bay listranan y tuma nota di algo sospechoso: nan tabata tin mas cu un paña riba nan, carson extra y camisa extra riba nan curpa. Tabata mustra sospechoso y indica cu esey ta e operacion di comete ladronicia of otro fechoria y cambia paña pa despista autoridad pero aki a frusta nan mal intencion.
Dos homber nacionalidad Colombiano y un ta nacionalidad Venezolano. Dos di nan tabata indocumenta y nan fecha pa ta na Aruba a pasa. Polis a hiba tur tres homber pa warda di Polis, y a listra den full e auto. No a topa cu ningun arma den e auto solamente carson y pañanan, y boter di awa cu juck y demas articulo. E auto a keda tuma den beslag pa investigacion.
