(NLTimes)—Polis Hulandes ta buscando urgentemente ekipo pa polis di riot, BNR ta reporta a base di documentonan den e procedura. E ekipo cu nan tin awo no ta suficiente mas pa wanta e aumento den rebeldia violento cual e agentenan ta experencia, polis a conta e locutor.
E documentonan ta menciona cu e ekipo mester wanta golpi cu palo, hincamento, tiramento di piedra y klapchinan peligroso. Tambe esaki mester ta facil pa bisti y kita pa desplega lihe.
“E uniform cu tin awo ta casi 10 aña bieu, pero nos ta mira cu gruponan ta birando menos intimida pa polis di rebeldia y nan ta busca confrontacion. Algun grupo ta hasta bisti paña pa proteccion. P’esey e ekiponan mester wordo reemplasa.” Un vocero di polis a bisa. E uniform di awo ta di mas calor anto tin puntonan zwak, cual mayoria biaha ta causa blousa pa e agentenan.
Solamente un proveedo a bin dilanti den e procedura, cual por a cumpli cu e demanda di e polis pero no pa e prijs cu nan ta pidi p’e. Polis a dicidi di negosha cu e partido aki embes di bay door un otro proceso. “Sino nos lo mester warda un aña mas.” E compra lo costa casi 12.2 miyon euro y lo ta solamente e prome stap pa un introduccion nacional. Nan lo mester test e ekipo y uniform prome.
Maarten Brink di e union di polis ACP ta optimista. “Nos tin basta tempo ta bisa cu e ekipo di awo no ta ofrece suficiente proteccion mas,” el a conta e locutor. “Tambe nos ta mira mas violencia contra polis. E hecho ta cu e uniform nobo lo proteha nos miho y esaki ta esencial pa polis di rebeldia por haci nan trabou miho.”
