Polis di Rotterdam a haya 2,5 tonelada di methamphetamine den un camber secreto na un deposito, den locual nan ta considera como e incautacion di mas grandi di su tipo na Europa.
E droga, tin balor di miyones di euro riba caya, el a wordo descubri siman pasa durante di un ristamento na e deposito ora cu polis a nota un camber tabata mas chikito cu e mester ta. Nan a haya un muraya falso largo di e edificio y e droga den un pakete preto, scondi su tras. E investigacion tambe a hiba na descubrimento di 17.500 liter di productonan kimico cu ta ser utilisa pa laba e cocaina y fabrica droga sintetico na un luga na Utrecht Polis a informa den e comunicado.
Aña pasa polis a bisa cu e gangnan di droga ta moviendo pa productonan di crystal meth. E droga cu ta altamente adictivo no ta grandi na Hulanda y e cargamento na Rotterdam lo ta destina pa exportacion, polis a bisa. Te na e momentonan aki cuater laboratorio di methamphetamine a ser desmantela na Hulanda pa e aña aki.
