Instituto di Salubridad Publico Hulandes RIVM a registra 5048 caso nobo di coronavirus den e 24 ora te cu ayera mainta, casi 600 mas cu e averahe semanal, y e aumento diario di mas grandi den un luna.
E cantidad di test positivo ta aumentando den dianan recien, y tabatin aumento di 19% den e shete dia te cu diamars, pa loke RIVM a cuminsa papia di un ‘tercer ola’.
E cantidad di hospitalisacion tambe a aumenta den un dia cu 225, un aumento di 54 riba e aumento di diaranson. Di nan, 29 persona tabata den Unidad di Cuido Intensivo, unda 526 pashent di coronavirus actualmente ta ricibiendo tratamento.
Ayera tardi, conseho di ciudad Amsterdam a cera e parke central di e ciudad, Vondelpark, pa motibo di e multitud di hende descendiendo na e luga pa saca bentaha di e solo di un spring trempan.
Anteriormente oficialnan a dicidi di cera mayoria di e entradanan na e parke den un esfuerso pa reforsa control, pero testigonan den e bario a bisa cu hende tabata bulando riba e hekinan. Tambe a reporta presencia pisa di polis den e localidad.
Polis a saca tur hende for di e parke diaranson despues cu un fiesta impromptu a tuma luga, y a aresta dos persona.
