E tiramento na Olde Molen a trece cu hopi a cuestiona e orario laat cu e luga ta keda habri. Pero polis ta bisa cu den e caso particularmente no tabatin nada di haber cu ceramento for di ora. E tin di haber cu un problema cu tabtin pafo di e club, segun vocero Lito Laclé.
Reaccionnan riba Facebook di sernan keri cu ta laga mensahe di condolenca, ta cuestiona tambe ki dia ta bay haci algo pa cera e club aki cu constantemente tin problema. Bon Dia 24 a puntra polis dicon por ta asina cu un club por keda haya boet enbes di kita nan permiso. E kitamento di permiso ta cay bou di minister encarga cu Asunto General. E unico tarea di polis den e caso di orario at pa traha boet, asina e vocero ta reacciona.
Te ainda polis no kier bisa cuanto sospechoso ta envolvi. Esun (nan) envolvi te ainda ta fugitivo, segun e ultimo informacion cu Bon Dia a haya di polis.
Otro tiramento
Diadomingo tabatin un otro caso di tiramento dilanti Circle K na Playa. Esaki a sosode prome cu misa a cuminsa. E persona tira ta e conocido di polis Giovanni Perez. E persona cu a tir’e lo a bandona e sitio den un auto Daewoo color blanco. E motibo no ta conoci te ainda.
