Dialuna Cuerpo Policial (KPA) a anuncia un distribucion di material nobo na su agentenan cu e meta pa eherce tareanan diario na un manera mas eficiente.
Segun e organismo ta bisa, un base solido y fuerte ta e esencia strategico den e organisacion. Esaki ta trata di hende, recurso, suficiente personal y material adecua. Tambe reconocimento pa e personal via posicion legal, balora nan funcion y duna e perspectiva den su desaroyo ta un di e puntonan importante pa e desaroya di personal.
Banda di adkisicion di patruyanan nobo, uniform nobo, warda di polis nobo /renoba, portofon nobo, bodycams y tambe innovacionnan cu material nobo pa diferente departamento. KPA ta sigui enfoca pa sigui innova e cuerpo.
Na comienso di luna polis uniforma a haya bicicleta nobo, tablets, digiboard, thermal & digital binoculars y mucho mas. Pa eleva nan ehecucion di nan trabao mas mihor ainda tambe moviendo den un era di innovacion.
