Den oranan di diahuebs mainta, autoridadnan local a tuma nota di un boto cu a drif bin tera. Esaki ta den area di Dos Playa.
Inmediatamente a dirigi patruyanan di Wardacosta y Polis pa asina investiga e caso.
A tuma nota cu ta trata di un boto tipo ‘yola’. Esaki tabata bashi y no tin niun indicacion cu tabatin persona riba e boto. Esaki debi na e estado di e boto. E boto tabata den mal condicion y tambe tabatin un cantidad di buraco di bala cu a ser probablemente produci door di un arma di candela.
E caso aki no ta conoci pa Wardacosta ni Polis.
Actualmente lo inicia un investigacion pa asina por haya mas claridad.
