Polisnan miho prepara pa atende violencia domestico

Diariamente polisnan ta haya nan mes confronta cu problemanan di violencia domestico. Teniendo cuenta cu esaki, Cuerpo Policial Aruba a participa na un seminario relaciona cu violencia domestico.

Despues di e seminario, Vanessa Tjon, Comisario di Polis a conta cu parti di e trabou regular di polis, violencia domestico, maltrato y problema di pareha ta aparece diariamente. Por lo tanto ta importante pa polisnan ta bon prepara, entrena y orienta cu e problema aki, pa por intermedia den e casonan aki y consecuentemente persigui e sospechosonan.

Tjon ta masha contento cu e asistencia grandi na e seminario y ta convenci cu asina so por conscientisa polisnan di e problema aki den nos comunidad. “E ta algo hopi sensitivo. Hopi biaha comunidad ta critica Polis cu nan no ta cla pa atende cu casonan asina, mirando cu hopi biaha e victimanan ta spera mas y miho servicio, mas gevoel, mas ayudo, mas sosten, mas comprension di Polis pa nan caso”, asina Comisario Tjon a splica.

E intencion ta, dor di tipo di seminarionan asina, pa comparti formulanan cu e Polisnan pa brinda mas y miho servicio na e victimanan, ta mas pendiente di nan caso y purba maneha entre e trauma cu e persona a keda atras cu ne y e caso penal andando contra su agresor. Polis t’ey pa percura pa orden publico y pa conduci investigacionnan penal. Pero e ultimo añanan, mas y mas ta spera sosten social for di Polisnan. Na Scol pa Polis ta prepara hobennan tambe pa e forma nobo aki di haci trabou di Polis, pero ta importante pa cada pasa tanto tempo bolbe elabora riba e tema aki, cu informacion actualisa y cu metodonan nobo con atende na momento di un caso di violencia domestico.

You May Also Like

Chauffeur bou influencia a dal peaton cu auto y menas’e

Diahuebs atardi riba e caminda di Sabana Blanco un chauffeur masculino a baha caminda ...

Investigacion grandi na cas di Luis Mansur na Nuñe

Diahuebs mainta pa 11’or hardinero cu ta mantene e cura di cas di Luis ...

Security a bula for di dak ora a topa cu ladron arma

Diaranson den careda di 4:15 marduga autoridad ta keda informa cu tin un security ...

Polis: nos lo actua te cu boet contra esun cu ta destrui beachnan y duinnan

Den cuadro di e campaña nobo cu e organisacionnan turistico conhuntamente cu otro partnernan ...

Movecion na Jucuri a pone Polis di bario Santa Cruz drenta accion

Diahuebs merdia Polis di Bario Santa Cruz a bay Jucuri unda persona a capta ...

Polis a detene dos hoben cu arma falso purbando di horta

Segun informacion di vocero di Cuerpo Policial, patruya di Oranjestad atento tabata pasando den ...