Un agente policial a bisa cu tres persona, incluyendo un mucha, a fayece pa motibo di lamper durante un tormenta di strena cu lamper na zuid di Polonia, na Tatra Mountains.
Vocero di gobernador provincial di Krakow, Joanna Pazdzio, a bisa AP cu lider di operacion di rescate cu tabata tumando luga diahuebs atardi banda di Tatra Mountains a haya e curpanan.
E servicio di rescate di Tatra, TOPR, a bisa cu trahado na Giewont nan a haya un grupo di persona, incluyendo mucha, cu pa motibo di mal tempo a keda eynan. Hefe di TOPR, Jan Krzysztof, a bisa cu varios persona ta morto na diferente luga y un dozijn di persona a resulta herida.
Kinga Czerwinska, di servicio di ambulance aereo, a bisa cu nan a manda 4 helicopter pa yudansa. El a bisa cu un lamper a yega e punta di Giewont, un destino popular pa trekking y otro luga den e Tatra Mountains.
