Preocupacionnan tocante reglanan mas estricto pa hipoteca di interes so

(NLTimes) – Mas y mas banco ta fortalece nan politicanan pa hipoteca di interes so, poniendo reglanan mas estricto pa mitiga riesgonan. Expertonan ta preocupa pa efectonan no intenciona riba economia, y doñonan di cas ta preocupa pa diripiente no por paga nan cas, Radar a informa.

Cu un hipoteca di interes so, e doño di cas no ta paga e fiansa, of parti di e fiansa, durante su termino, pero ta paga solamente interes. E debe ta ser paga den un solo suma na final di e termino di e hipoteek, tipicamente ora e cas ser bendi.

Esaki ta resulta den pagonan mensual mas abao, pero reguladornan manera De Nederlandsche Bank (DNB) y Banco Central Europeo (ECB) a adverti ripitidamente tocante e riesgonan di e fiansanan aki. E fiansa ta ser paga solamente na momento di benta di e cas, loke por causa problema si e balor di e cas a baha, por ehempel. Hende por caba den problema tambe si nan entrada baha despues di baha cu pensioen, desempleo of bira malo.

Varios banco Hulandes grandi awor ta tumando medidanan pa mitiga e riesgo ey, mayoria biaha ta afectando solamente clientenan nobo of personanan cu ta ahusta nan hipoteca di solamente interes.

Rabobank y su filial Obvion ta introduci limitenan mas estricto dia 11 di mei. Pa hipoteca nobo, refinanciamento of aumento, clientenan por fia un maximo di 30% di e balor di cas riba interes so, cu un maximo absoluto di €150,000. Pa clientenan existente, nada no ta cambia tanten cu nan no ahusta nan hipoteca.

ASN Bank tambe ta implementando limitenan mas estricto. Anteriormente clientenan por a fia te cu 50% di e balor di e cas riba un base di interes so. Entrante 11 di mei, esey lo ta 30%. Clientenan existente no lo nota cambio tanten cu nan hipoteca keda mescos. E banco ta cita mitigacion di riesgo como e motibo principal pa e ahuste, parcialmente riba urgencia di reguladornan.

ABN Amro y Florious ta implementa nan cambionan dia 1 di juni. Tur dos lo fia te cu 30% di e balor di cas riba interes so. Nan tambe no lo cambia nada pa clientenan existente tanten cu nan hipoteca keda mescos. Pero e dos banconan tambe lo ofrece clientenan existente cu kier refinancia of aumenta nan hipoteca di solamente interes mas flexibilidad. E clientenan aki por fia te cu 50% di e balor di cas solamente cu interes.

ING ta e unico banco grandi cu no ta haci ningun cambio por lo pronto. E banco lo sigui fia te cu 50% di e balor di e cas riba un base di interes so. E banco a bisa Radar cu e ta advertiendo clientenan existente activamente tocante e riesgonan na fin di e termino.

Segun Radar, expertonan ta preocupa pa consecuencianan no intencional pa economia. Por ehempel, hende cu hipoteca di solamente interes por evita di muda pa por mantene nan condicionnan actual, strobando e fluho den e mercado di vivienda. Doñonan di cas tambe por ta capaz pa fia menos pa renobacionnan, cu consecuencianan pa esfuersonan di sostenibilidad y e sector di construccion.

Di acuerdo cu e asociacion di doño di cas, VEH, alrededor di 2.5 miyon doño di cas tin hipoteca di solamente interes. VEH ta adverti cu hopi di e doñonan di cas aki lo haya nan den problema ora nan purba di refinancia e hipoteek cu nan a paga sin problema pa añanan, y diripiente ta ser confronta cu un pago mensual mas halto pasobra e porcion di interes so ta mas chikito.

“Banconan kier proteha nan balansa, pero esaki no mester bin a costo di proteccion di consumidor,” asina Cindy Kremer di VEH a bisa. “Hende cu por paga nan hipoteca facilmente ta keda pega pasobra algun banco ta laga tiki espacio pa personalisacion, y esey ta mina seguridad di vivienda.” E asociacion a urgi banconan pa comunica mas cla tocante e cambionan cu nan ta haciendo y permiti personalisacion pa cliente.

Ministerio di Finanzas a bisa Radar cu ta compronde e preocupacionnan, pero a subraya cu banconan mester percura pa nan fia na un manera responsabel. “Pa motibo cu hopi hende ta enfrenta un entrada mas abao despues di baha cu pensioen, e prestamista di hipoteca mester evalua no solamente si e hipoteca ta financieramente responsabel awor, pero tambe despues di baha cu pensioen,” e ministerio a bisa. A agrega cu hopi doño di cas lo perde nan deduccion di interes di hipoteca na 2031 y e añanan despues, loke ta nifica cu e gastonan neto di hipoteca lo aumenta mientras cu nan habilidad pa paga nan ta baha.

“Proveedornan di hipoteca y conseheronan mester priorisa interesnan di cliente y trata nan clientenan cu cuido. Nan mester sigui acerca clientenan cu hipoteca di solamente interes pa identifica riesgonan potencial di capacidad di pago na final di e termino di interes so y pa duna clientenan un bista riba nan varios opcionnan,” e ministerio a bisa.