(AFP) – E motorcade di un senador Colombiano a ricibi tiro cu arma di candela diamars na man di rebeldenan di e grupo guerrillero awo-defunto, FARC, den un region di e pais hundi den conflicto, segun presidente Gustavo Petro a bisa.
Colombia ta sufriendo su pio ola di violencia desde firma di un acuerdo di paz cu rebeldenan na 2016. E actual campaña presidencial, prome cu eleccion programa pa dia 31 di mei, ta mancha pa atake, asesinato y secuestro.
Memey di seguridad eleva, senador di e partido den gobierno, Alexander Lopez tabata biahando den un auto dilanti di su vehiculo normal, cual a ricibi tiro di arma di candela riba un autopista den sur occidente di Colombia.
Petro a bisa cu e atake, na Cauca, a sucede apenas “un kilometer for di e sitio unda un atake cu bom di guerrilla a mata 21 civil na fin di april.”
“E auto blinda di senador Alexander Lopez a keda kibra cu tiro di arma di candela na man di e grupo arma traficante di droga lidera pa Ivan Mordisco,” Petro, un iskierdista, a skirbi riba X, agregando cu e vehiculo di un alcalde local tambe a bin bao atake. “Nan a caba di purba di secuestra e senador,” e presidente tambe a bisa na un multitud na un evento publico na e capital, Bogota.
No tabata cla si tabatin un persona a resulta herida den e incidente, ni si forsanan di seguridad a enfrenta e guerrillanan.
“Nan a tira cu rifle,” Lopez a bisa canal di noticia, Noticias Caracol despues di e atake.
“A tira riba (mi) vehiculo, a par’e y nan a subi,” el a agrega. “Nana puntra e chauffeur: ‘Unda e hefe?’”
Lopez a bisa cu e rebeldenan a huy den su auto, cu un di su bodyguard ainda aden, y a ten’e pa alrededor di 5 minuut.
Cauca tin areanan amplio bao cultivo di droga y ta un di e teritorionan principal di disidentenan di FARC bao comando di Mordisco, e criminal mas busca di e pais, kende a rechasa e acuerdo di paz.
Petro a intenta, sin exito, pa negocia paz cu e gruponan arma di e pais, cu a expande nan cantidad di miembro den añanan recien.
E candidatonan derechista lider den eleccion, Abelardo de la Espriella y Paloma Valencia, a critica e politica di paz di Petro y a priminti un posicion mas fuerte contra gruponan ilicito.
