(AP)—Presidente Chines Xi Jinping lo bishita Francia, Serbia y Hungria otro siman mientras Beijing ta purba di busca un rol mas grandi den e conflicto entre Rusia y Ucrania cu a afecta seguridad economico y politico rond mundo.
E bishita di Xi, e presidente Chines y lider di e Partido Comunista, ta su prome pa Europa den cinco aña y lo “inyecta momentum nobo na e desaroyo pasivo di mundo,” segun e vocero di e ministerio di Asunto Exterior, Lin Jian, na un reunion diario ayera.
China ta declara neutralidad den e conflicto di Ucrania, pero Xi y presidente Ruso Vladimir Putin a declara cu nan gobierno tabatin un “amistad sin limite” prome cu e atake den februari 2022 riba Ucrania. China a nenga di yama e asalto di Rusia un invasion y a ser acusa di aumenta e habilidad financiero y tecnologico di Rusia pa sigui produci arma pa usa contra Ucrania, cual ta wardando dies biyones di dollar den ayudo militar pa defende contra e agresion di Rusia.
E ministerio di Asunto den Exterior a bisa cu e bishita di Xi lo cuminsa dia 5 di april y caba dia 10 di april pero no a duna mas detaye. E bishita lo ser observa den Washington pa cualkier señal di disminui apoyo pa metanan clave di politica Mericano den exterior.
Presidente Frances Emmanuel Macron a causa preocupacion na Washington durante un bishita pa China aña pasa despues di bisa cu Francia no lo sigui Merca ciegamente y ser envolvi den crisisnan cu no tin nada di haber cu nan, un supuesto referencia na e demandanan di China pa unificacion cu Taiwan.
China a construi relacionnan fuerte cu Serbia, incluyendo haciendo un envio semi-secreto di un sistema misil anti-aeronave na e ex-republica di Yugoslavia na 2022. E gobierno di prome minister Hungaro Viktor Orbán a retrasa e entrada di Suecia den NATO pa varios luna. E expansion di NATO a ser cita pa China como provocando Putin pa invadi Ucrania.
Orbán, un populista derechista cu a crea relacionnan cercano cu Rusia, a bisa cu critica di e gobernancia di Hungria pa politiconan Sueco a daña relacionnan entre e dos pais y a resulta den reluctancia entre legisladornan den su partido Fidesz pa apoya e entrada di Suecia den NATO.
E bishita ta bin despues cu e secretario di estado Mericano, Antony Blinken, a reuni cu Xi Jinping na Beijing y a subraya e importancia di “maneha responsablemente” e diferencia entre Merca y China como cu e dos banda ta pleita tocante un cantidad di asuntonan bilateral, regional y global.
Tambe diabierna, minister di Defensa Ruso Sergei Shoigu a gaba cooperacion militar cu China durante un reunion cu su equivalente Chines, Dong Jun, den e capital di Kasakhstan, Astana. El a bisa cu cooperacion ta importante como cu “tensionnan nobo ta surgiendo y esnan bieu ta acelerando. Esencialmente, esaki ta e resultado di aventuranan geopolitico y accionnan neo-colonia egoista di e West.”
