(YahooNews) – Biden a yega na Mexico diadomingo via aeropuerto nobo di e capital Mexicano, Aeropuerto Internacional Felipe Angeles, un proyecto di e presidente Andres Manuel Lopez Obrador e cual a wordo inaugura aña pasa y ta keda ubica na mas di un ora di e ciudad.
Biden y Lopez Obrador, den cual nan relacion ta transaccional y sin e calidez cu Biden a mustra cu otro mandatarionan, a cuminsa otro cu man y a cana hunto den un tapeijt cora riba e pista di aterisahe.
Hunto cu e prome minister Canades Justin Trudeau, cu a yega ayera, Biden y Lopez Obrador ta bay pasa e dos dia aki discutiendo riba migracion, cambio climatico, manufactura, comercio, economia y e potencia influencia global di un Nort America mas colaborado.
“Den reunion aki lo profundisa nos coordinacion y lo fomenta nos prioridad comparti pa Nort America”Biden a skirbi riba Twitter.
Prome cu e cumbre Biden a anuncia un cambio importante den e politica fronteriso entre Merca y Mexico, Merca ta bay manda bek na Mexico 30.000 migrante di otro cuater pais pa luna a traves di e frontera, inclyendo esnan cu a drenta Merca sin autorisacion legal.
Diadomingo ultimo Biden a biaha pa El Paso, Texas, su prome biaha na e frontera como presidente den cual e tabatin un agenda controla pa mustra un operacion sin complicacion den e tramite pa inmigrante cu ta drenta cu autorisacion legal, tambe tabatin como topico eliminacion di contrabanda y trato humano pa esnan cu ta drenta Merca di forma iregular.
