(AP) – E proposicion di presupuesto Republicano aproba pa Senado diamars ta kita un impuesto proponi riba proyectonan solar y di biento pero rapidamente ta kita den fase credito di impuesto pa energia renovable manera biento, solo y otronan.
E proposicion, aproba pa Senado 51-50 mientras cu President Donald Trump y legisladornan GOP a cuminsa accion pa desmantela e ley di clima di 2022 aproba pa Democratanan bao ex presidente Joe Biden. Vice Presidente JD Vance a kibra un empate despues cu 3 senador Republicano a vota no.
E proposicion awo ta bay Cas pa un aprobacion legislativo final.
E impuesto riba proyectonan di generacion solar y di biento a keda agrega na e proposicion di Senado durante fin di siman, cual a causa oposicion dipartisano for di legisladornan ademas di desaroyadornan di energia limpi y defensornan.
E proposicion final ta kita e impuesto pero mas tanto ta keda cu lenguahe legislativo publica diabierna anochi y lo caba e incentivonan pa energia limpi mas trempan cu un version revela 2 siman atras.
Democratanan y gruponan ambientalista a bisa cu e plan di GOP lo derota crecemento den e industria solar y di biento y causa un aumento den e recibo di utilidadnan pa Mericanonan. E medida ta pone den peligro centenares di proyecto di energia renovable pa impulsa e nacion su red electrico, segun nan a bisa.
“A pesar di mehoracion limita, e legislacion aki ta debilita e fundeshi di Merca su regreso di fabricacion y liderazgo global den energia,” Abigail Ross Hopper, presidente y CEO di Solar Energy Industries Association a bisa. Si e proposicion aki bira un ley, “famianan lo enfrenta recibo di electricidad mas halto y fabricanan lo cera, Mericanonan lo perde nan trabao y nos red electrico lo bira mas debil,” el a bisa.
American Petroleum Institute, e grupo top cu ta lobby pa e industria di gas y petroleo, a aplaudi e aprobacion di e proposicion. “E legislacion historico aki lo yuda trece un era nobo di dominancia den energia pa medio di desblokia oportunidadnan pa inversion, habri benta di lease y expande acceso na petroleo y desaroyo di gas natural,” Mike Sommers, e grupo su presidente y CEO a declara.
Mientras cu Democratanan a keha cu e proposicion lo haci mas dificil pa pone energia renovable den e red electrico, Republicanonan a bisa cu e medida ta representa cu lo spaar cantidadnan historico pa esnan cu ta paga impuesto y ta sostene produccion di fuentenan di energia tradicional manera petroleo, gas natural y carbon, ademas di energia nuclear, aumentando con hopi por depende riba esaki.
Den un compromiso aproba di un dia a otro, e proposicion ta permiti proyectonan di biento y proyectonan solar cu ta cuminsa construccion dentro di 1 aña di e ley su implementacion haya un credito di impuesto completo sin un deadline pa e dia cu e proyectonan lo “drenta servicio,” of lo conecta na e red. Proyectonan solar y di biento cu cuminsa mas despues mester drenta servicio pa fin di 2027 pa por haya e credito.
E proposicion ta keda cu incentivo pa tecnologianan manera hidroenergia, energia nuclear y energia geotermico.
