Arubianonan ta bay paga mas na pompstation cuminsando awe, 11 di maart, ya cu minister di Finanzas, Asunto Economico y Sector Primario a anuncia prijsnan nobo di combustible, cu ta refleha e turbulencia sacudiendo mercadonan global di energia.
Gasolin unleaded premium ta bay aumenta na 223,4 cen pa liter – un aumento di 9,8 cen. Diesel ULS ta subi 8,5 cen na 201,4 cen pa liter; mientras kerosin ta bay costa 192,3 cen pa liter, un aumento di 10,7 cen. Tur prijs ta inclui impuesto di BBO/BAZV/BAVP.
E aumento ta yega mientras e conflicto andando entre Merca y Israel contra Iran a manda shock den cadena global di suministro di energia. E conflicto a laga barconan cargando alrededor di 20 miyon bari di petroleo pa dia atrapa den Golfo Persa, sin por pasa di manera sigur rood di e Estrecho di Hormuz – e punto estrecho pero vital door di cual un gran parti di petroleo y gas di mundo ta pasa.
Prijs global di petroleo a aumenta cu mas di 25 porciento desde inicio di e guera, y e conflicto ya a conduci na suspension di alrededor di un di cinco parti di suministro di crude oil y gas natural. Prijs di petroleo a aumenta na mas cu $100 pa bari pa prome biaha den cuatro aña mientras e conflicto a intensifica.
Iran ademas a ataca un refineria mayor na Saudi Arabia y un facilidad di gas natural likido (LNG) na Qatar, parando fluho di producto refina y poniendo alrededor di 20 porciento di e suministro global di LNG offline.
Analistanan ta adverti cu alivio por tarda. E unico desaroyo cu lo por reverti significantemente e situacion, segun expertonan di energia, ta reapertura di Estrecho di Hormuz. Te cu esey sucede, consumidornan rond mundo – incluyendo na Aruba – probablemente ta bay continua sinti e impacto na pompostation.
