Prijsnan productonan di canasta basico mester ta disponibel na tur caha di supermercado?

Tur siman nos ta publica e resultadonan di un poll riba un ponencia hunto cu un splicacion neutral di e topico.

Pa hopi aña caba, Aruba conoce loke ta yama e ‘canasta basico’, cu ta un lista di producto basico cu tin un prijs maximo fiha pa ministro encarga cu Asunto Economico. Esaki cu e meta cu tur consumidor, specialmente esunnan cu entrada modera, tin acceso na cierto producto basico na un prijs rasonabel.

Productonan di e canasta basico ta aroz, azeta dushi, margarina, manteca, cuminda pa baby, lechi en polvo, lechi di koffie, sucu, salo, koffie (instantaneo), te, hariña blanco y hariña di maishi. Tambe pan blanco (kipashi) y webo di galiña. Departamento di Asunto Economico ta responsabel pa  eherce control den supermercado y minimarketnan. Ningun di e productonan aki por bende pa un prijs mas halto cu ley ta stipula. Esey ta inclui tambe BBO y BAZV, cu ta inclui den e prijs maximo caba. Problema ta cu den practica hende no tin na memoria henter e lista cu ta cay bao di e areglo aki. Bo ta yega na caha y ta posibel cu ta conta e productonan aki hunto cu e otro articulonan cu bo a cumpra, y ta cobra BBO/BAZV riba e suma total. Anto bo ta pagando dos biaha BBO/BAZV riba bo compra di producto cu ta parti di canasta basico.

 

Pregunta: bo ta di acuerdo cu mester bin un obligacion pa tur punto di benta di e productonan, manera supermercado y minimarket, tin na cada caha e lista di producto di canasta basico, cu mencion corecto di nan prijs?

Nota: na Curaçao tin un canasta basico hopi mas amplio cu esun di Aruba. Tambe e ta inclui un lista di 10 tipo di berdura fresco y 10 tipo di fruta fresco cu tambe conoce prijs fiho.

You May Also Like

Lo tin mas o menos 4.000 votado nobo den siguiente eleccion

A pesar cu ainda cifranan definitivo no ta formalisa, presidente di Conseho Electoral ta ...

Movimiento Arubano Soberano(MAS)

Nos a drenta aña electoral 2017 y ya caba por mira algun partido preparando ...

Un minister bou investigacion mester tuma su retiro?

Tur siman nos lo publica e resultadonan di e poll riba un ponencia. Den ...

Ta posibel pa lanta un partido cu solamente un persona

Manera cu nos a informa siman pasa, Conseho Electoral ta laga sa cu te ...

Cristiannan sea alerta pa eleccion 2017

Nos tur por observa e desaroyo di e campaña politico pa eleccion benidero. Partidonan ...

PPA – Un partido social democrata

Nos a drenta aña electoral 2017 y ya caba por mira algun partido preparando ...