Aruba Birdlife Conservation (ABC) ta informa cu riba nan peticion gobierno a declara e Prikichi como parha nacional di Aruba.
E fundacion a publica e carta di gobierno di 18 februari unda prome minister ta bisa cu den e reunion di Conseho di Minister di 7 di februari nan a tuma e decision aki. ABC tambe ta informa cu di e 260 parha registra na nos isla, solamente dos ta ‘endemic sub-species. Esaki ta conta pa e Prikichi pero tambe nos Shoco. E ultimo gobierno ya a declara como simbolo nacional di Aruba na 2012. E dos parhanan tambe ta unico pa motibo cu nan tin un di tres nomber cientifico special esta ‘arubensis’, locual ta nifica cu nan ta di Aruba.
E fundacion ta reacciona hopi contento riba e ultimo noticia. Sigur den e contexto cu e cantidad di ambos parha menciona ariba, ta bahando. Y cu e decision di gobierno awor nan ta haci esfuerso pa proteha e parhanan pa asina no bay extendi, asina ABC a declara.
