Un reportahe di The Wall Street Journal unda ta divulga informacion den documentonan cu a lek ta mustra cu Saudi Arabia ta bay inverti den su mega proyecto mas grandi te cu awo: Un ciudad den desierto yama Neom, unda lo tin mas robot cu humano y docentenan lo duna les na studiantenan altera geneticamente.
E plannan ta inclui propuestanan haci pa companianan di asesoria Mericano, manera McKinsey y Boston Consulting, cual no tin ningun pretexto di trece e lidernan di Saudi Arabia bek riba tera.
E luga na unda ta plania di construi e ciudad lo ta rondona pa desierto. Pero pa crea un clima mas agradabel lo genera nubia pa controla e clima den e region. E vision cu e companianan ta presenta na e prins di Saudi Arabia ta mustra di ta biniendo di un buki futuristico di ficcion: Taxinan flotante, genetica modifica y robotnan tur caminda.
