ORANJESTAD – Actualmente basta parti rond di Aruba ta sin coriente y ta trata aki di un posibel “brown out.”

Riba pagina di Facebook di WEB a keda reporta cu e problema ta cerca nan. E notificacion ta bisa textualmente: “ATENCION a surgi un storing den planta di WEB pa mas o menos 5.20 awe tardi, cual a causa interupcion di coriente den areanan di Santa Cruz, Pos Chiquito, Simeon Antonio y Pavia. Lo dura mas o menos 4 ora pa recupera coriente. Team di tecniconan ta haci nan maximo esfuerso pa recupera e produccion. Nos lo sigui duna update via nos pagina di FB. Nos disculpa pa e inconveniencia.”

Mas informacion lo sigui despues.