Diadomingo atardi na momento cu Last Lap a yega Wilhelmina Park, polisnan mester a actua lihe pa detene un persona masculino. Esaki tabata pa motibo cu e dos persona a cuminsa discuti cu otro. Pa cosnan no bay mucho for di man, polis a actua lihe y percura pa detene un di nan. Segun un persona cu a mira kico a pasa, el a indica cu e persona cu a inicia cu e discusion tabata un meneer sin T-shirt y cu bril na cabes. Mientras cu polisnan tabata ocupa pa detene e homber bisti na T-shirt preto, e otro persona tabata para na banda y tabata mira con polis tabata purba di boei e persona. Den rapidez di polis, un di agente policial a cay abou pero a lanta di biaha pa yuda su coleganan. E grupo a stop di toca y tabata pidi pa tur hende keda trankil pa asina nan por a sigui disfruta di e ultimo parada. Tambe mas polis a yega acerca pa asina percura cu tur hende tabata comporta den e parada.
