Tres homber a dicidi di bringa cu otro cu martiu y zaag pa soluciona problema entre algun mucha di scol basico. Dos di e tres hombernan a keda herida den e proceso.
E caso aki a tuma luga na Schiedam-West segun e fuente RTV Rijmond ta raporta. Segun polis di bario, tabata un discusion cu a cuminsa for di hopi ora mas trempan entre algun mucha di scol basico, a pone cu e situacion a escala y yega te asina leu.
No ta conoci na ki momento exacto e adultonan a dicidi di tuma over e problema y hacie di nan, pero aki no ta trata di mayornan di e muchanan sino algun trahado cu ta laborando na e scol. E dos hombernan cu a ser hiba hospital a ser aresta despues di a haya atencion medico. Igualmente e di tres tambe cu a keda aresta. Tur tres lo mester bay splica nan mes dilanti husticia.
