Pic3 FHMD.jpg
Inspira door di e campaña di Ban Ki Moon, ex-secretario general di Nacionnan Uni, Fundacion pa Hende Muhe den Dificultad a inicia nan 16 dia di conscientisacion na Aruba pa trece atencion na violencia domestico y en particular violencia contra hende muhe y mucha muhe.
 
E campaña ta wordo yama Orange Aruba 2016 y ta consisti di seminarionan, lecturanan, debatenan y otro actividadnan pa haci pueblo di Aruba mas consciente di e problema grandi di violencia domestico na Aruba. Aunke cu na Aruba no tin cifranan concreto y e tema te ainda ta wordo considera un poco taboo,  segun FHMD, tog nos tur sa cu e ta un problema grandi riba nos isla y cu ta afecta no solamente e hende muhe cu ta victima di violencia domestico, pero tambe su yiunan, e union familiar, su trabao y sociedad den general.
 
Programa completo
 
Nov 26 – Freewinds: Bida sin violencia contra hende muhe cuminsando 8or di anochi.
Nov 27 – FHMD lo ta presente cu un information booth na e show anual di Club di Movimento “Our Heroes” na Cas di Cultura pa 7or di anochi.
Nov 28 – CEDEHM Seminar riba igualdad y genero na MFA Paradera 7or pa 9or di anochi.
Dec 2 –  Dialogo nacional riba violencia domestico: Kico ta e solucion?
‘Violencia domestico, un ocuriencia normal na Aruba?’ Cu sr. Glenn Thode, Bureau Sostenemi, Korps Politie, Psychologo,na Universidad di Aruba cuminsando pa 6:30 di atardi.
Dec 4 – E balor di nos mucha muhernan. Arubaanse Padvinsters Gilde; Grace Maduro, entrada gratis cumisando for di 5o’r di atardi na Santa Teresita Center.
Dec 8 –  FHMD Seminar ‘E homber y e rol cu e ta hunga’ compania pa un anochi di teatro. Entrada gratis na MFA Noord pa 7’or di anochi te 9’or.
Dec 9 – ‘Awareness training’ den traficacion humano. Un dia sumamente interesante na Cas .. Cultura cuminsando 8:30 di mainta pa 4:30 di atardi.
Dec 10 – Ceremonia di ceramento di programa Orange Aruba 2016 na Fort Zoutman 7pm – 9pm.

LEAVE A REPLY

Please enter your comment!
Please enter your name here