 (2).jpg "Torneo di reino (NW) (2).jpg")
Diasabra merdia a tuma luga e apertura di Torneo di Reino (Koninkrijks Toernooi) organisa pa Ministerio di Husticia. Na Hulanda ta conoci caba cu ta haci actividad cu muchanan cu ta den mal caminda y e ta un programa cu por wordo mira na Hulanda.
Den e torneo aki ta participa Hulanda, Sint Maartin, Corsou y Aruba. Pa prome biaha e torneo aki ta wordo organisa aki na Aruba. Durante e apertura por a mira mandatarionan di Husticia, kendenan a bini hunto no solamente pa mira e desaroyo di e programa aki, pero tambe pa duna sosten na nan team.
Tur cuater team a marcha den Joe Laveist Sportpark durante e apertura. Ministernan di Husticia a hiba palabra, unda cu nan a duna nan gratitud riba e programa. Gobernador Fredis Refunjol a fungi como batiado, mientras cu Altesa Real prins Pieter Christiaan a fungi como pitcher. Asina aki a duna inicio na e campeonato aki, cu lo dura algun dia.
Den e prome wega, Aruba a enfrenta Hulanda den baseball. Aruba a bay cu e victoria riba Hulanda. Aruba a bataya y a demostra cu nan ta un di esunnan miho den baseball den Reino.
 (2).jpg&description=Programa+di+Ministerionan+di+Husticia%3A+Prome+Torneo+di+Reino+a+inicia){kind=link}