(AP) — Programanan Late-night a cuminsa cu nan regreso na pantaya di television despues di un ausencia di cinco luna debi na e demostracion di escritornan di guia na Hollywood, mientras actornan a completa e prome dia di discusionnan cu por trece un fin na nan protesta largo.
The Late Show With Stephen Colbert, Jimmy Kimmel Live! y The Tonight Show Starring Jimmy Fallon tabata un di e prome programanan pa pone un pausa riba nan produccion ora e demostracion a cuminsa dia 2 di mei, y tabata un di e prome nan pa regresa na pantaya atrobe dialuna anochi.
E anfitrionnan no tabata floho durante nan ausencia. Tur tres, hunto cu Seth Meyers di Late Night with Seth Meyers, a uni pa produci e podcast titula “Strike Force Five” durante e demostracion.
Mientras tanto, e Screen Actors Guild-American Federation of Television and Radio Artists a cuminsa cu negociacionnan dialuna cu Alliance of Motion Picture and Television Producers, pa prome biaha desde cu nan a uni cu e escritornan den un demostracion historico dia 14 di juli. E dos banda lo resumi nan discusionnan awe.
E escritornan tabatin permiso pa traha siman pasa despues cu Writers Guild of America a yega na un acuerdo riba un contracto di tres aña cu un aliansa di e studionan mas grandi den e industria, servicionan di transmision y companianan di produccion. Lidernan di sindicato a describi e acuerdo como un victoria riba asuntonan manera pago, tamaño di personal y e uzo di inteligencia artificial cu a haci e lunanan di protesta bale la pena. E escritornan mes lo vota riba e contract den un siman di voto cu a cuminsa dialuna.
Actornan a retira di nan trabao tocante e mesun asuntonan, y lidernan di SAG-AFTRA a bisa cu nan lo mira mas cerca na e ganashinan y compromisonan di e trato WGA, pero a enfatisa cu nan demanda lo keda mescos cu na comienso di e protesta. E dos banda a bisa den un declaracion conhunto cu “varios ehecuctivonan” di studionan lo participa den e discusionnan, sin duna nomber. Pero CEO di Disney, Bob Iger, co-CEO di Netflix, Ted Sarandos, Hefe di Warner Bros. Discovery, David Zaslav, y Hefe di contenido pa NBCUniversal Studio Group, Donna Langley, tur a tuma parto directamente den e negociacionnan cu e escritornan.
E programanan late-night lo tin limitenan significante riba nan lista di bishita. Actornan bishitando pa promove nan pelicula, no lo tin permiso pa aparece si e peliculanan ta pa studionan cu ta suheto di e protesta.
SAG-AFTRA a aproba acuerdonan interim permitiendo actornan pa traha riba hopi produccionnan, y cu esey ta bin e derecho di actornan pa promove esakinan publicamente.
