(NLTimes) – Un prohibicion nobo municipal contra duna meuchinan cuminda na Vlissingen ta ser ricibi cu scepticismo door di bendedornan di cuminda y residentenan despues di incidentenan continuo unda parhanan a horta ice cream y batata na e boulevard y den cercano Middelburg, na Zeeland, segun OmroepZeeland.
E ciudad a haci e acto di duna meuchinan cuminda castigabel cu e obhetivo di frena e molestia creciente y evita e parhanan bira mas agresivo. Sinembargo, e cumplimento ainda no a cuminsa, y e oficialnan a bisa cu prome nan lo enfoca riba informa publico en bes di duna multa.
Na De Bankert, un puesto di batata hasa (friet) na boulevard di Vlissingen, empleado Barbara a bisa e corant cu e problema ta constante y dificil pa controla. “Ora hende cumpra ice cream, nan ta cana un tiki mas leu, y e ijs no t’ey mas”, el a bisa. “Nan simplemente ta kit’e for di bo man. Basicamente mi mester bisa cu tur loke mi ta bende: wak pa e meuchinan. Nan ta hopi fastioso”.
E tambe a expresa duda cu e prohibicion nobo lo haci algun diferencia. “Bo no por controla esaki; ta imposibel pa haci. Mi no ta pensa cu e lo traha. Hende simplemente ta tira e cuminda abao y ta sigui. Nos ta hopi cla ora nos ta bisa hende pa no duna nan cuminda. Nos a purba tur cos”.
Clientenan na e puesto a describi encuentronan similar. Peter, ken tabata comiendo un frikandel riba un banki patras di e kiosco, a bisa e corant cu e tipo di hortamento aki ta pasa regularmente. “Tin hopi biaha cu algo ta ser horta”, el a bisa hariendo. El a recorda un incidente anterior den Middelburg, na e Markt, ora e tabata cu su wela. “Mi tabatin mi friet, y un meuchi a bin, y den un seconde el a disparce”.
Otro bishitante, Jan, cu tabata pidiendo ice cream pa su famia, a bisa cu e tambe a experimenta meuchinan cu ta kita cuminda cerca, aunke e no tin miedo di nan. “Mi a experencia esaki cu e friet un biaha mas”, el a bisa. “Nan a kit’e djis for di e baki”. Jan a agrega: “Si nan tuma un friet of un pida pan, esaki mester ta permiti. Mi ta haya cu e ta bon asina”.
